Gjuriq me thirrje që të mbrohet “bota serbe”, vijnë reagimet nga Kosova – e quajnë ujk me veshje dele

Ambasadori i Serbisë në SHBA, Makro Gjuriq ka vazhduar me deklaratat e tij nxitëse, kësaj radhe duke bërë thirrje që të mbrohet “bota serbe”.

Ai këtë thirrje e ka bërë përmes një postimi në Twitter.

”Jemi në një pikë kthese të historisë kur fati i popullit serb po vendoset në të gjitha pjesët e hapësirës sonë historike etnike – nga Beogradi, fusha jonë veriore, në Kosovë dhe në pjesë të tjera të ish-Jugosllavisë ku jetojnë serbët“, ka shkruar Gjuriq.

Lexo po ashtu Ambasadori Qehaja reagon ndaj deklaratave të Gjuriqit, i quan të neveritshme dhe të rrezikshme

Ndaj kësaj deklarate kanë nisur reagimet e shumta nga ana e përfaqësuesve politikë në Kosovë.

Shefja e Grupit Parlamentar të LVV-së, Mimoza Kusari-Lila përmes një reagimi në Twitter ka shkruar “kujdes nga ujqërit me veshje dele”.

Beware of wolves in sheep clothing! Typical of @markodjuric and other 🇷🇸 state representatives. Not only they’ve started and lost all wars in FRM Yugoslavia, killed over 130,000 people, but they still have the guts to claim “Serbian Land”. This is “democratic” & “constructive” 🇷🇸 https://t.co/Y66yMkEUVH

— Mimoza Kusari 🇽🇰🇺🇦 (@mimozakusari) February 19, 2023

“Tipike e Marko Gjuriqit dhe përfaqësues të tjerë shtetit serb. Jo vetëm që kanë filluar dhe kanë humbur të gjitha luftërat në FRM Jugosllavi, kanë vrarë mbi 130,000 njerëz, por ata ende kanë guximin të pretendojnë “tokën serbe”. Kjo është “demokratike” dhe “konstruktivja”, ka shkruar Kusari-Lila.

Reagim ka pasur edhe nga Sharr Jakupi, këshilltar i ministres së Jashtme dhe Diaposrës, Donika Gërvallës.

Ai këtë deklaratë të Gjuriqit e ka cilësuar si ekspansionizëm.

Serbian Amb despicable comments on Kosova reveal their vicious expansionist agenda. It's time for the intl. leaders to act and condemn the Serbian government for what it truly is – a brutal, warmongering autocratic regime. https://t.co/2kNH30kypY

— Sharr Jakupi (@sharrjakupi) February 19, 2023

”Komentet e neveritshme të Ambasadës së Serbisë rreth Kosovës zbulojnë agjendën e tyre vicioze ekspansioniste. Është koha për ndërkombëtarët. liderët të veprojnë dhe të dënojnë qeverinë serbe për atë që është në të vërtetë – një regjim autokratik brutal, luftënxitës“, ka shkruar ai.

Ndaj deklaratës së Gjuriqit ka reaguar edhe ambasadori i Kosovës në Maqedoninë e Veriut, Florian Qehaja. Ambasadori e ka quajtur të neveritshme dhe të rrezikshme deklaratën e Gjuriqit. /Telegrafi/