Reperi i popullarizuar i skenës shqiptare, Gjiko, emri i vërtetë i të cilit është Asdren Gjikolli, nuk e ka fshehur asnjëherë pasionin e tij për veturat e shtrenjta.
Meqë muaj më parë bëri të ditur se bleu një jaht i cili i kushtoi vërtetë shumë, së fundmi reperi duket se ka bërë një tjetër blerje të kushtueshme.
I njëjti ka publikuar disa fotografi të reja, në të cilat tregon se koleksionit të tij të veturave i është bashkuar edhe një veturë e re e tipit 'Porsche'.
Gjiko bëhet me një tjetër veturë luksoze (Foto: Instagram)
"Eja te babi vogëlush", ka shkruar reperi krahas imazhit, ku shfaqet makina e tij super luksoze.
Gjithashtu, gjatë kësaj kohe reperi nga Peja ka qenë shumë i angazhuar duke punuar në projekte të reja muzikore. Ai ka paralajmëruar 12 këngë të reja dhe i ka këshilluar reperët tjerë të bëhen gati për këto super hite.
Gjiko bëhet me një tjetër veturë luksoze (Foto: Instagram)
Veç tjerash, Gjikolli këtë verë nuk mungoi as në mbrëmje e koncerte muzikore, madje lirshëm mund të thuhet se është një nga artistët më të kërkuar në tregun tonë.
/Telegrafi/
