Gjiganti evropian po e fiton garën për Nico Williams, gati oferta prej 10 milionë eurove në vit

Nico Williams ka vendosur përfundimisht të largohet nga Athletic Bilbao gjatë afatit kalimtar veror.

Ylli spanjoll dëshiron të bëj një hap para në karrierë dhe të nënshkruajë për një skuadër ku do të mund të konkurronte për të fituar trofe.

Bayern Munich ka paraqitur një ofertë të lartë për yllin e Athletic Bilbaos, Nico Williams. Sipas El Nacional, gjigantët gjermanë janë të përgatitur t’i paguajnë spanjollit 10 milionë euro në vit.

Barcelona ka shfaqur prej kohësh interesim për Williams, por klubi katalanas nuk është në gjendje të përballojë kushte të tilla personale për shkak të situatës së tyre financiare.

Lexo po ashtu Gjiganti evropian bën hapa para, gati të paguajë klauzolën e Nico Williams

Vetë Williams nuk e fsheh dëshirën e tij për të veshur ngjyrat e Barcelonës, por ai nuk është i gatshëm të marrë një ulje pagash dhe shpreson të gjendet një zgjidhje.

Bavarezët tani janë skuadra favorite për t’i siguruar shërbimet e Nico Williams, edhe pse për lojtarin interesim kanë shprehur edhe klubet e mëdha angleze si Arsenal dhe Chelsea.

Lideri aktual i Bundesligës nga ana tjetër është i gatshëm të paguajë klauzolën e lojtarit prej 58 milionë eurove. /Telegrafi/