Gjermania ka regjistruar numrin e saj më të lartë të infeksioneve me coronavirus në një ditë të vetme, bazuar në të dhënat e Qendrës për Kontrollin e Sëmundjeve në vend.

Sipas CNN, përcjell Telegrafi, rreth 23 mijë prekur u identifikuan në Gjermani brenda 24 orëve të fundit.

Përveç kësaj bazuar në shifrat e fundit, rreth 218 persona ndërruan jetë nga virusi vdekjeprurës, derisa numri i përgjithshëm i viktimave u rrit në 12 mijë.

Gjermania është vetëm njëra prej vendeve evropiane e cila ka regjistruar kohëve të fundit rritje të rasteve me coronavirus.

Numri i përgjithshëm i të prekurve u rrit në 762 mijë, bazuar në të dhënat e azhurnuara nga Universiteti John Hopkins. /Telegrafi/

EvropaBotë