Gjendet e vdekur në veturë ish-e dashura e Floyd Mayweather, Josie Harris me të cilën boksieri ka tre fëmijë

Ish-e dashura e Floyd Mayweather, Josie Harris u gjet e vdekur në një veturë në shtëpinë e saj në Kaliforni.

Mayweather dhe Harris patën tre fëmijë së bashku dhe kampioni i boksit u dënua për sulm ndaj saj në një incident të vitit 2010, duke shërbyer kohë pas hekurave për këtë rast.

Burime të zbatimit të ligjit i thanë TMZ-së se ajo u gjet pa shenja jete në veturën e saj të hënën natën, në shtëpinë e saj në Valencia, shkruan The Sun.

Ajo u shqiptua e vdekur në vendin e ngjarjes.

Hetuesit nuk po e trajtojnë vdekjen e saj si një vetëvrasje, sipas TMZ.

Mayweather shërbeu dy muaj pas hekurave pasi u dënua për sulmimin ndaj Harris në vitin 2010.

Ajo tha në vitin 2014 se pësoi abuzim fizik nga kampioni i boksit në “gjashtë raste”, sipas USA Today.

Ajo tha gjatë intervistës se ishte e lumtur që nuk ka pse ta shohë Mayweatherin shpesh.

“[Do të thotë] Unë nuk kam pse të marr një Xanax (ilaç qetësues për ankthin) para se të vijë, përndryshe do të jem duke djersitur”, i tha ajo USA Today në vitin 2014, referuar faktit që do të qëndronte tashmë larg nga boksieri.

“Për disa arsye unë akoma shqetësohem kur e di se ai është në rrugën e tij”, kishte thënë ajo.

“Unë nuk kam asnjë ide pse, por unë me të vërtetë mërzitem kur e di se duhet të jem rreth tij”, thoshte e ndjera Josie Harris.

Mayweather mohoi akuzat në një intervistë përball gazetares Katie Couric.

“A e frenova një grua që ishte nën ndikimin e drogës”, i tha ai gazetares, sipas TMZ.

“Po, unë bëra. Kështu që nëse ata thonë se kjo është dhuna në familje, atëherë, ju e dini se çfarë? Unë jam fajtor. Unë jam fajtor për kufizimin e dikujt”, ishte shprehur boksieri.

Çifti ishin bashkë me njëri-tjetrin që nga viti 1995 deri në 2010.

43-vjeçari Mayweather fitoi 15 tituj kryesorë në botë gjatë karrierës së tij dhe u emërua “Luftëtari i Dekadës” për vitet 2000-2010 nga Shoqata e Shkrimtarëve të Boksit të Amerikës.

Shumë besojnë se ai është boksieri mbrojtës më i mirë në histori dhe një nga gjuajtësit më të saktë. /Telegrafi/