Gjashtë vende tentuan të manipulonin rezultatin e votave në Eurovision 2022

Ukraina u shpall fituese e Eurovision 2022 këtë vit me grupin përfaqësuese Kalush Orchestras, pasuar nga Mbretëria e Bashkuar që doli e dyta dhe Spanja në vendin e tretë.

Por, pavarësisht kësaj gjatë procesit të votimit u tha se kishte parregullsi dhe për këtë ka reaguar edhe vet Unionin Evropian i Transmetuesve (EBU).

Secila nga 40 vendet që morën pjesë në Eurovision 2022, kanë shpallur votat e jurive të tyre profesionale përkatëse dhe ndërsa Alessandro Cattelan, Laura Pausini dhe Mika, nikoqirët e mbrëmjes, po bënin rezultatet e televotimit publik, Unioni Evropian i Transmetuesve ( EBU ) ka lëshuar një deklaratë zyrtare duke njoftuar se ka zbuluar disa modele të parregullta votimi në rezultatet e gjashtë vendeve si në gjysmëfinalen e dytë të mbajtur të enjten ashtu edhe në finalen e madhe të luajtur këtë të shtunë.

Në përpjekje të dyshuara për të manipuluar votimin e jurisë – Unioni Evropian i Transmetuesve hoqi votat e jurisë nga gjashtë vende.

Ato u zëvendësuan nga një rezultat i përmbledhur i bazuar në vendet me modele të ngjashme votimi si në gjysmëfinalen e dytë ashtu edhe në finalen e madhe.

Lexo po ashtu Të gjitha lajmet nga Eurovision

Votat nga Azerbajxhani, Gjeorgjia, Mali i Zi, Polonia, Rumania dhe San Marino u zëvendësuan të gjitha me rezultatin e ri.

“Në mënyrë që të jetë në përputhje me udhëzimet e votimit të konkursit, EBU punoi me partnerin e saj votues për të llogaritur një rezultat të përgjithshëm zëvendësues për secilin vend në fjalë si për gjysmëfinalen e dytë ashtu edhe për finalen e madhe (llogaritur në bazë të rezultateve të vendeve të tjera me të dhëna votimi të ngjashme). Ky proces u pranua nga Monitoruesi i Pavarur i Votimit. EBU e merr jashtëzakonisht seriozisht çdo përpjekje të dyshuar për të manipuluar votimin në Eurovision dhe ka të drejtë t’i heqë këto vota në përputhje me Udhëzimet Zyrtare të Votimit, pavarësisht nëse vota të tilla mund të ndikojnë apo jo në rezultatet dhe/ose rezultatin të votimit.”, thuhej në deklaratën e EBU.

Në vend të kësaj u llogarit dhe u përdor një “rezultat i përmbledhur” për secilin vend. Rezultati i përmbledhur është llogaritur në bazë të rezultateve të vendeve të tjera me “rekorde të ngjashme votimi”. /Telegrafi/