Gjakderdhja nga mishi i dhëmbëve mund të jetë një shenjë e mungesës së vitaminës C
Megjithëse gjakderdhja nga mishi i dhëmbëve është një shenjë e gingivitit (inflamacionit të mishit të dhëmbëve) – një fazë e hershme e sëmundjes parodontale, ajo gjithashtu mund të sinjalizojë nivele të ulëta të vitaminës C në trupin tuaj, sugjeron një studim i botuar në revistën mjekësore Nutrition Reviews.
Studiuesit kanë ekzaminuar 15 studime të botuara, në të cilat kanë marrë pjesë 1.140 njerëz të shëndetshëm, si dhe janë analizuar të dhëna mbi shëndetin dhe dietën e 8.210 njerëzve të marrë në një studim të kryer nga Qendrat Amerikane për Kontrollin dhe Parandalimin e Sëmundjeve.
Ata zbuluan se nivelet e ulëta të vitaminës C në qarkullimin e gjakut shoqëroheshin me një rrezik në rritje të gjakderdhjes nga mishrat e dhëmbëve dhe vunë në dukje se rritja e marrjes së vitaminës C mund të ndihmojë në zgjidhjen e problemit.
Gjakderdhja e shtuar është përgjithësisht një nga simptomat e skorbutit, një sëmundje e shkaktuar nga mungesa e rëndë e vitaminës C. Skorbuti, i cili shpesh prekte marinarët në shekullin e 18-të të cilët nuk kishin qasje në fruta dhe perime, është një dukuri shumë e rrallë sot.
Marrja e rekomanduar ditore e vitaminës C për të rriturit është 90 miligramë, ndërsa ekspertët rekomandojnë konsumimin e ushqimeve të pasura me vitaminë C, si lakër jeshile, portokall, speca dhe kivi, ose marrja e suplementeve ditore të vitaminës C nga 100 deri në 200 miligramë.
Gjithashtu, ata paralajmërojnë se duhet të konsultoheni me dentistin tuaj nëse mishrat e dhëmbëve ju rrjedhin gjak gjatë larjes ose pastrimit të dhëmbëve me pe. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre