Gerard Pique shijon mbrëmjet me të dashurën e tij të re, pak kohë pasi arriti marrëveshje me Shakiran për kujdestarinë e fëmijëve

Gerard Pique bëri një paraqitje komode me të dashurën e re Clara Chia të mërkurën, pasi ata shijuan një darkë romantike në një restorant japonez në vendlindjen e tij, Spanjë.

Futbollisti, 35 vjeç, u pa duke u kapur dorë për dore me studenten 23 vjeçare, ndërsa ata qëndronin dhe bisedonin jashtë restorantit pas vaktit të tyre, shkruan DailyMail.

Dalja e Gerardit me dashurinë e tij të re vjen pasi ai dhe ish Shakira arritën një marrëveshje për kujdestarinë mbi djemtë e tyre pas ndarjes së tyre në fillim të këtij viti.

Çifti dukeshin në humor të mirë teksa qëndronin së bashku në rrugë, me sportistin që shihej duke mbajtur në dorë çantën e saj të bardhë.

Gerard kisht veshur një bluzë të bardhë të thjeshtë me xhinse të errëta dhe atlete në ngjyrë bardh e zi.

Ndërkohë Clara kishte veshur një kostum të zi të gjerë në ngjyrë të zezë dhe sandale të bardha.

Nata e takimit të çiftit vjen pak pasi u zbulua se Gerard dhe Shakira kishin arritur një marrëveshje për kujdestarinë për djemtë: Milan, nëntë vjeç dhe Sasha, shtatë, pas ndarjes së tyre në fillim të këtij viti, me këngëtaren që planifikonte të zhvendosej në Miami në vitin 2023.

Ata lëshuan një deklaratë të martën pas një takimi maratonë 12-orësh me avokatët e tyre, i cili përfundoi në orët e para.

Ndërsa Gerard, i cili emocionalisht u tërhoq nga futbolli gjatë fundjavës, thuhet se ka dhënë bekimin e tij për transferimin e ish-partneres së tij në Miami në Vitin e Ri me dy djemtë e tyre për të shmangur një betejë të gjatë ligjore.

Dëshira e Shakiras për t’u shpërngulur në qytetin ku ajo ka jetuar dhe një pjesë e familjes së saj, kuptohet se ka qenë pengesa kryesore në dështimin e mëparshëm të çiftit për të arritur një zgjidhje jashtë gjykatës.

Pique dhe Shakira thanë në deklaratën e tyre të përbashkët: “Dëshirojmë të komunikojmë se kemi nënshkruar një marrëveshje që garanton mirëqenien e fëmijëve tanë dhe që do të ratifikohet në gjykatë si pjesë e një procedure thjesht formale”.

“Objektivi ynë i vetëm është t’u ofrojmë atyre sigurinë dhe mbrojtjen maksimale, dhe ne besojmë se privatësia e tyre do të respektohet”.

Deklarata e tyre vazhdoi: “Ne vlerësojmë interesin e treguar dhe shpresojmë që fëmijët të mund të vazhdojnë jetën e tyre me privatësinë e nevojshme në një mjedis të sigurt dhe të qetë”.

Shtypi spanjoll ka raportuar gjithashtu se Gerard do të jetë në gjendje të kalojë dhjetë ditë në muaj me fëmijët e tij si pjesë e marrëveshjes së kujdestarisë së tij me Shakiran, si dhe pushimet.

Tashmë ish-çifti njoftoi ndarjen e tyre pas një duzinë vitesh së bashku në qershor, megjithëse dukej se Shakira nuk donte që lidhja të përfundonte në atë kohë.

Pique tashmë është në një lidhje të re me studenten 23-vjeçare, Clara Chia Marti, e cila studion marrëdhëniet me publikun.

Që nga ndarja, Pique është parë duke puthur me pasion dashurinë e tij të re, pasi ata nuk e fshehin lidhjen e tyre të re.

Duke folur për ndarjen në shtator, Shakira pranoi se kishte qenë një kohë ‘tepër e vështirë’ për të dhe familjen.

Ndërkohë, Gerard dhe Shakira thuhet se kanë rënë dakord për të shitur rezidencën ekskluzive të tyre në Barcelonë ku kanë rritur dy djemtë e tyre.

Çifti, i cili arriti një marrëveshje për kujdestarinë e fëmijëve, me të cilën këngëtarja kolumbiane do të transferohet në Miami me djemtë e tyre, pritet të vendosë një çmim midis 10.5 dhe 12 milionë funtesh për pronën kur të dalë në treg. /Telegrafi/