LAJMI I FUNDIT:

Gazetari britanik tregon nëse mund të ketë luftë në Kosovë dhe Bosnjë

Gazetari britanik tregon nëse mund të ketë luftë në Kosovë dhe Bosnjë

Gazetari britanik, Julius Strauss, tha se nuk mendon se gjërat janë krejt në rregull, por as se do të ketë luftë me përmasa të mëdha.

Strauss mendon se mund të ketë konflikt ose në veriun e Kosovës ose në Bosnje e Hercegovinë, por, sipas tij, jo shumë i mundshëm.


“Si dikush që ka mbuluar fillimet e atyre luftërave kishte shumë copëza që duhej të ishin në vend që luftëra të mëdha të ndodhnin. Në Bosnjë nuk ishte çështja te disa nacionalistë të afroheshin e të bënin gjë. Ata duhej të merrnin armë, të kishte një vend që i përkrahte ata, e që ishte Serbia. Duhej organizim, të lëvizje një pjesë të tërë të shoqërisë rreth asaj ideje”, ka thënë gazetari britanik për tëvë1.

“Kur shikon serbët që udhëhoqën luftën në Bosnje, ata nuk ishin elita e komunitetit serb, ishin rrugaçë që i gjetën diku dhe ia dolën që t’i shtyjnë lartë në sistem. Pra lufta kërkon shumëçka të ndodh. Shumë njerëz janë pesimistë për Ballkanin, por unë jo. Unë jam pak më shumë optimist. Jo se gjërat janë shkëlqyeshëm, nuk janë. Janë në rregull. Por nuk mendoj që luftë me përmasa të mëdha është gati të shpërthej”, deklaroi ai.

Strauss shtoi se po ashtu ka dallim në mes të Kosovës dhe Bosnjës, pasi sipas tij në vendin fqinj është pak më zymtë, derisa në Kosovë ka më shumë optimizëm.

“Edhe mendoj që ka pak dallim. Unë e dua Bosnjën, kalova shumë kohë atje. Së fundmi isha atje dhe gjendja atje është goxha e zymtë. Në Kosovë nuk është. Ju jeni optimistë, po shikoni drejt të ardhmes. Ka një gumëzhinë, një energji rreth Kosovës që edhe me luftën ju shkoni para, dhe duket se ka më shumë optimizëm këtu. Nuk do të premtoj se s’do të ketë konflikt, por mendoj që edhe po të ketë, sigurisht s’do të jetë aq i madh sa ishte më parë”, është shprehur gazetari britanik.

Në trend Lajme

Më shumë
Efekti

Efekti "TikTok", mbi 15 nxënëse të dy shkollave në Fushë-Kosovë dyshohet se i kanë gërvishtur duart e tyre

Arsim
Hapja e urës në Mitrovicë: Për disa

Hapja e urës në Mitrovicë: Për disa "rritje e tensioneve", për të tjerët "gjë e mençur"

Lajme
“Provat mund të na dërgojnë diku tjetër”- Elshani flet për serbin që u arrestua për spiunazh

“Provat mund të na dërgojnë diku tjetër”- Elshani flet për serbin që u arrestua për spiunazh

Siguri
Ndryshimet në skemën sociale, familjet në nevojë që kanë fëmijë mbi pesë vjeç mund të aplikojnë sërish për ndihmë financiare

Ndryshimet në skemën sociale, familjet në nevojë që kanë fëmijë mbi pesë vjeç mund të aplikojnë sërish për ndihmë financiare

Lajme
I zhdukur që nga 22 maji, Gëzim Trakaniqi nga Peja gjendet shëndosh e mirë

I zhdukur që nga 22 maji, Gëzim Trakaniqi nga Peja gjendet shëndosh e mirë

Komunat
Musliu: Kryqëzimi i fuqive në Mal të Zi - ndryshimi i kursit dhe arrestimi i Gjukanoviqit

Musliu: Kryqëzimi i fuqive në Mal të Zi - ndryshimi i kursit dhe arrestimi i Gjukanoviqit

Politikë
Kalo në kategori