Funta rritet pas dorëheqjes së kryeministres britanike

Funta u rrit kundrejt dollarit dhe kostot e huamarrjes së qeverisë u ulën ndërsa investitorët reaguan ndaj dorëheqjes së kryeministres Liz Truss.

Monedha britanike u rrit në 1.13 dollarë në një moment përpara se të rrëshqiste, por ishte akoma më e lartë se në fillim të së enjtes.

Një analist tha se reagimi sugjeroi që investitorët ishin “të lehtësuar” nga lajmi, pavarësisht nga shumë pasiguri të mbetura.

Grupet e biznesit thanë se kryeministri i ri do të duhet të veprojë shpejt për të rivendosur besimin, raporton bbc.

Kostot e huamarrjes së qeverisë u rritën ndjeshëm muajin e kaluar pasi qeveria premtoi shkurtime të mëdha taksash në mini-buxhetin e saj pa thënë se si do t’i paguante ato.

Por këto kosto u ulën pasi Banka e Anglisë ndërhyri me një program mbështetës emergjent dhe pasi Jeremy Hunt ndryshoi pothuajse të gjitha masat mini-buxhetore kur u bë kancelar.

Hunt do të shpallë planet për shpenzimet dhe taksat më 31 tetor gjatë prezantimit të planit ekonomik, për të cilin Thesari konfirmoi se do të vazhdonte. /Telegrafi/