Nga: John Burn / The Financial Times
Përkthimi: Telegrafi.com
Po ta kishit bërë një vizitë në Byronë Kombëtare të Statistikave të Kinës, në ditët pas zgjedhjes së Xi Jinpingut si sekretar i përgjithshëm i Partisë Komuniste të Kinës – më 2012 – do të kishit gjetur një mori të të dhënave ekonomike.
Numri i njerëzve të punësuar në sektorin argëtues në këndet e lojërave nëpër lagje, eksportet e gazit natyror nga Guangdongu për në provincat e tjera, bilanci i energjisë elektrike në Mongolinë e Brendshme. Mund të kërkoje çfarë të duash, ata e publikonin, së bashku me më shumë se 80 mijë të dhëna tjera për krahasim – për cilëndo periudhë kohore.
Por, vetëm një vit më vonë, nuk u përditësuan të dhënat për sektorët e sipërpërmendur dhe për mijëra të tjerë. Shko në vitin 2016 dhe pa sqarim bëhet ndërprerja e më shumë se gjysmës së gjithë treguesve të publikuar më parë prej byrove kombëtare dhe komunale të statistikave. Zhdukjet e tilla vërtetë kanë qenë marramendëse.
Duke i analizuar gjërat nga ky aspekt, nuk duket shumë befasues vendimi i kësaj jave për të vonuar pafundësisht publikimin e treguesve kryesorë të tremujorit të tretë, përfshirë produktin e brendshëm bruto: vazhdon trendi drejt paqartësisë statistikore, teksa Kina kalon nga një rritje e lartë e qëndrueshme në shifrat më modeste. Ndërprerja e energjisë elektrike është veçse një prej shumë sinjaleve që tregon se cilido numër që do të dalë në fund, ai nuk ka gjasa të jetë i lartë – dhe në çdo rast mund të merret me skepticizëm.
Përveç faktit se zakonisht nuk fshiheshin provat e performancës së mirë, shumë nga detajet për çështjet e caktuara, që nuk u përditësuan, janë përdorur më parë nga analistët për t’i kontrolluar treguesit kryesorë që Kina i publikon, duke mësuar shpeshherë se shifrat e PBB-së mbivlerësojnë performancën. Kemi mbetur me tregues gjithnjë e më jokonvencionalë për të vlerësuar performancën aktuale të Kinës. Gjërat nuk duken mirë.
Në një studim të mahnitshëm të kohëve të fundit, Luis Martinez – ekonomist në Universitetin e Çikagos – përdori të dhënat për intensitetin e dritës gjatë natës, përmes imazheve satelitore, për të treguar se rritja e PBB-së kineze, gjatë 20 vjetëve të fundit, mund të ketë qenë për rreth një të tretën më e ngadaltë – sesa raportohet çdo vit – duke e bërë ekonominë e saj dukshëm më të vogël se ShBA-ja, në vend se kjo të jetë paksa më e madhe.
Sa i përket treguesve të kohës reale, me të cilat jemi njohur gjatë pandemisë – siç është përdorimi i transportit publik, bllokimi i rrugëve dhe nivelet e fluturimeve – ato ofrojnë arsye të mirë për të kuptuar se kanë mbetur pezull shifrat e PBB-së së Kinës. Me pothuajse një në pesë persona mbi të tetëdhjetat që ende nuk është vaksinuar, krahasuar me rreth shtatë për qind në ShBA dhe praktikisht zero për qind në Mbretërinë e Bashkuar, tentimi i Kinës për zero-Kovid ushtron presion të vazhdueshëm në rënien në prodhim. Me nivele më të mira aktiviteti – se çdo vend tjetër në fillim të vitit 2021 – Kina tashti është një prej vendeve që ngec, duke operuar më ulët me rreth një të tretën sesa normalja.
Duke u bazuar në raportin mes shifrave të mëparshme të publikuara të PBB-së kineze, dhe të dhënave të mbledhura nga The Economist, Banka e Rezervës Federale në Nju-Jork dhe faqja e gjurmimit të fluturimeve, Airportia, vlerësoj se shifra e rritjes ekonomike të Kinës, për tremujorin e tretë, do të jetë me rreth tre për qind, dukshëm më poshtë se objektivi prej 5.5 për qind dhe shumë më ulët se parashikimet e fundit. Nëse zgjerohet analiza duke zbatuar edhe studimin e Martinezit të bazuar në satelitë, kjo shifër bëhet 2.7 për qind -sa gjysma e objektivit.
Nëse realiteti është kaq larg pritshmërive, mund të shohim se do të zhduket edhe pjesa tjetër e statistikave ekonomike të Kinës. /Telegrafi/
Lufta Prigozhin - Putin
Më shumëPDK voton kryesinë e re - pësojnë ndryshime në pozita disa prej figurave të njohura të kësaj partie
Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle
Artisti Ledri Vula merr dhuratë nga KFOR-i
Obama dhe Clinton i dalin në ndihmë Bidenit - një foto me tre presidentët amerikanë do të kushtojë 100 mijë dollarë
Mercenarët rus të Wagner po vrasin civilët në Mali
Pamje nga të shtënat ku nisi konflikti në Prishtinë, ku humbën jetën dy persona
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes