Fronteks: Ekziston rrezik nga kontrabanda e armëve nga Ballkani

Agjencia evropiane për mbrojtje të kufijve të jashtëm (Fronteks) paralajmëroi që ekziston rrezik nga intensifikimi i kontrabandës së armëve nga shtetet ballkanike, njofton Telegrafi Maqedoni.

Siç njoftoi gazeta vjeneze „Kurir “, Fronteks në këtë raport të saj thekson se në shtetet e hapësirës së ish Jugosllavisë  „lehtë mund të arrihet deri te Kallashnikovët dhe bombat“.

Sipas vlerësimeve të Agjencisë, vetëm në territorin e Bosnjë Hercegovinës ka rreth 800.000 copë armë ilegale.

– Bashkëpunimi i afërt dhe këmbimi i informatave midis shërbimeve të sigurisë është kyç në luftën kundër kontrabandës me armë, vlerëson Fronteks.

Agjencia përkujton se në sulmet terroriste ndaj Parisit dhe Brukselit para dy javësh, terroristët ishin të armatosur me „Kallashnikovë “ për të cilët ka indikacione se e kanë prejardhjen nga Ballkani.

– Problemi me tregtinë ilegale të armëve nga Ballkani është i njohur  tashmë një kohë të gjatë, ndërsa Fonteks tani thekson që rreziku për kontrabandë është zmadhuar me fluksin e refugjatëve, thekson gazeta vjeneze „Kurir”./Telegrafi/