Formacionin me më të mirët e Ligës së Kampionëve për edicionin 2020/21 – vetëm një lojtar i Chelseat

Sezoni i Ligës së Kampionëve përfundoi të shtunën e 29 majit, me dy klubet angleze si, Manchester City dhe Chelsea që u takuan në finale.

The Blues triumfuan 1-0 ndaj Citizens në Estadio do Dragao në Portugali me golin e vetëm të realizuar nga Kai Havertz.

Me Chelsean që mori trofeun në duar, WhoScored ka mbledhur vlerësimet e lojtarëve që kishin paraqitjet më të mira në garën më të madhe për Klube në Evropë, duke përpiluar një formacion.

Lexo po ashtu Një nga momentet e rralla: Mateu Lahoz nuk arriti t'i ndalte lotët pas finales mes Cityt e Chelseat

Portier: Edouard Mendy (Chelsea) – 7.11

Mendy pësoi vetëm tre gola dhe mbajti nëntë gola të paprekura në 12 ndeshjet e tij në Ligën e Kampionëve.

Edouard Mendy fitoi Ligën e Kampionëve me Chelsean.

Mbrojtës i djathtë: Juan Cuadrado (Juventus) – 7.94

Mbrojtësi i Juventusit regjistroi gjashtë asistime nga po aq ndeshje.

Mbrojtës qendror: Cristiano Romero (Atalanta) – 7.67

Romero ishte një shkëmb te Atalanta që arriti deri në 1/8 e finales.

Mbrojtës qendror: Niklas Sule (Bayern) – 7.27

Sule shënoi një herë dhe ndihmoi Bayernin të mbante dy porta të paprekuar para se të eliminohej nga Paris Saint-Germain në çerekfinale.

Mbrojtës i majtë: Alex Sandro (Juventus) – 7.60

Juventus u eliminua në 1/8 e finales, por të dy mbrojtësit e tyre startues e bëjnë statistikën më të mirë në këtë formacion.

Sulmues krahu në të majtë: Neymar (PSG) – 7.64

Neymar ishte tre herë lojtari i ndeshjes nga WhoScored në nëntë ndeshjet e tij.

Mesfushor: Joshua Kimmich (Bayern) – 7.95

Kimmich kontribuoi në pesë gola (një gol, katër asistime) në shtatë ndeshje.

Mesfushor: Kevin De Bruyne (Man City) – 7.55

Fatkeqësisht De Bruyne u detyrua të largohej shkaku i një lëndimi në finale. Por, paraqitjet e tij ishin mbresëlënëse.

Sulmues krahu në të djathtë: Kylian Mbappe (PSG) – 7.75

Mbappe qëlloi rrjetën tetë herë, ndërsa regjistroi gjithashtu tre asistime.

Sulmues qendror: Lionel Messi (Barcelona) – 8.51

Ishte një edicion zhgënjyes për Barcelonën, e cila u eliminua në 1/8 e finales. Messi bëri gjithçka që mundi me shtatë gola në gjashtë ndeshje.

Sulmues kryesor: Erling Haaland (Dortmund) – 7.97

Haaland ishte dominues në Ligën e Kampionëve këtë sezon, duke shënuar dhjetë herë ndërsa Dortmund u eliminua në çerekfinale. /Telegrafi/