Kryetari i Federatës së Futbollit të Kosovës, Agim Ademi, ka qenë i ftuar në emision “Debat Plus” në “RTV Dukagjini”, ku ka folur mbi tema të ndryshme rreth futbollit në Kosovë.

Ai u pyet për shumë tema, edhe për ardhjet e reja që mund të vijnë te Kosova.

Sipas tij lojtari i radhës që mund të bashkohet nën urdhrat e Bernard Challandes është i riu 20-vjeçar i Hannoverit, Florent Muslija.

Florent Muslija . (Photo by Gabriele Maltinti/Getty Images)

“Ndoshta Muslija. Jemi në bisedime më të dhe me shumë të tjerë. Besoj që tani me këto rezultate që po vijnë interesi dhe dëshira e gjithsecilit rritet”, ka thënë Ademi.

Ai e ka konfirmuar se Challandes do të qëndrojë edhe gjatë në krye të Kosovës.

“Sigurisht do të vazhdojmë edhe pas kualifikueseve. Ndihet shumë i kënaqur”.

Muslija te Hannover

“E ka thënë dhe vetë që ky është ekipi më i bashkuar dhe luftarak që ka pasur”, ka thënë Ademi në ‘Debat Plus’ të Radio Dukagjinit. /Telegrafi/