LAJMI I FUNDIT:

Flet avokati i Vasiljeviqit nga Shtërpca, Neziri: Ka bërë shaka përmes rrjetit social, arrestimi i tij është hakmarrje politike

Flet avokati i Vasiljeviqit nga Shtërpca, Neziri: Ka bërë shaka përmes rrjetit social, arrestimi i tij është hakmarrje politike
Danijel Vasiljeviq

I riu nga Shtërpca, Danijel Vasiljeviq është arrestuar të dielën nën akuzën se ka kërcënuar dhe ngacmuar kryetarin e Komunës së Shtërpcës, Dalibor Jevtiq dhe vajzën e tij. 

Por avokati i Vasiljeviqit, Mentor Neziri në një prononcim për Telegrafin tha se akuza ndaj tij, nuk ka të bëjë aspak me kërcënim apo ngacmim.

Ai tha se ka qenë një fjali në rrjetin social ku është përdorur nga ana e klientit të tij, një satirë apo një shaka që ia ka bërë kryetarit Dalibor Jevtiq.

Sipas tij, Vasiljeviq, të martën ka dhënë një deklaratë në polici në prezencën e tij, dhe se nuk ka të bëjë aspak me ndonjë vepër penale, por siç tha ai këto janë fërkime dhe hakmarrje politike.

“Është arrestuar pasi dyshohet se e ka ngacmuar dhe kërcënuar kryetarin e Shtërpcës dhe vajzën e tij. Dje ka dhënë deklaratë në polici në prezencën time dhe për ato rrethana që është arrestu nuk ka të bëjë absolut me vepër penale. Më shumë këto janë fërkime dhe hakmarrje politike se sa që ka të bëjë me ndonjë vepër penale që e ka kryer ndaj kryetarit të Shtërpcës. Jo këta familjarisht asnjëherë s’kanë pas probleme, por këto janë probleme politike”, ka thënë Neziri.

E arrestuan nën dyshimin se kërcënoi Dalibor Jevtiqin, flet babai i të riut nga Shtërpca
Lexo po ashtu E arrestuan nën dyshimin se kërcënoi Dalibor Jevtiqin, flet babai i të riut nga Shtërpca

Avokati Neziri po ashtu tha se ende nuk janë informuar për orën se kur do të mbahet seanca gjyqësore.

Por ai tha se ende nuk e dinë nëse Prokuroria do të kërkojë caktim të paraburgimit për klientin e tij, por siç tha ai sipas të gjitha gjasave do të ketë pasi ka presione politike.

“Përmes rrjeteve sociale, dhe ajo ka qenë një shaka, një satirë ndaj kryetarit të Shtërpcës. S’ka pas asnjë fjalë kërcënuese. Seanca pritet të mbahet sot pasdite, por nuk kemi ndonjë informatë nga prokuroria nëse do të ketë ndonjë kërkesë për caktim të paraburgim, por sipas të gjitha gjasave do të ketë, pasi ka presione politike në këtë drejtim shumë që me ia caktu paraburgimin klientit tim”, ka thënë Neziri.

Ndryshe, edhe babai i të riut, Goran Vasiljeviq për Telegrafin tha se policia e ka arrestuar pa bërë asgjë.

Ai tha se krejt kjo po bëhet pasi familja e tij nuk i takon Listës Serbe.

Ai tha se çdo gjë u bë me një shpejtësi të madhe, edhe kërkesa e prokurorit të rastit për ndalimin e djalit të tij prej 48 orësh.

“Djalin e ka marr policia pa bërë asgjë, është lajmëruar nga kryetari i komunës kinse djali e ka ngacmu, por fare nuk kishte ngacmim përmes Facebook-ut.

Mirëpo, ky është një problem politik, pasi familja ime nuk i takon Listës Serbe… Me shpejtësi të madhe ia kanë bo prokuroria edhe kërkesën për paraburgim”, ka thënë ai.

Tutje Vasiljeviq u shpreh se djali i tij për momentin është në paraburgim dhe se seanca gjyqësore është sot në orën 11:00.

Ai tha se krejt këto po i bën Lista Serbe dhe se kanë pasur dhe probleme të tilla të këtij lloji, por ai tha se të gjitha janë fsheh dhe janë fsheh në prokurori.

“Për momentin është në ndalim 48 orë, seanca gjyqësore pritet të mbahet në orën 11:00 në Shtërpcë. Rastet që i kemi në prokurori, krejt janë fsheh dhe janë mbyll. Lista serbe po i bën krejt këto me kryetarin Dalibor Jevtic”, ka thënë Goran Vasiljeviq.

Ndryshe Telegrafi ka tentuar të ketë edhe versionin e kryetarit të Shtërpcës Jevtiq por deri në këto momente ka qenë e pamundur. /Telegrafi/

Në trend Lajme

Më shumë
Ambasadori Martin Berishaj përfundon deklaratën në Speciale, deklarohet avokati Gashi

Ambasadori Martin Berishaj përfundon deklaratën në Speciale, deklarohet avokati Gashi

Lajme
Deklarohet ministrja Gorçeviq, Mali i Zi do ta përkrahë në fazën finale anëtarësimin e Kosovës në Këshill të Evropës

Deklarohet ministrja Gorçeviq, Mali i Zi do ta përkrahë në fazën finale anëtarësimin e Kosovës në Këshill të Evropës

Lajme
Gërvalla pritet në një mënyrë të veçantë në Kalabri, fëmijët këndojnë në gjuhën shqipe

Gërvalla pritet në një mënyrë të veçantë në Kalabri, fëmijët këndojnë në gjuhën shqipe

Lajme
BE: Zbatim i plotë i Marrëveshjes Bazë, pavarësisht vendimit në Këshillin e Evropës

BE: Zbatim i plotë i Marrëveshjes Bazë, pavarësisht vendimit në Këshillin e Evropës

Lajme
Euro bie sërish në tregun valutor në Shqipëri, arrin në nivelet më të ulëta vjetore

Euro bie sërish në tregun valutor në Shqipëri, arrin në nivelet më të ulëta vjetore

Lajme
E detyruan të miturën të punonte si valltare dhe të ofronte shërbime seksuale, aktakuzë ndaj dy personave në Prizren

E detyruan të miturën të punonte si valltare dhe të ofronte shërbime seksuale, aktakuzë ndaj dy personave në Prizren

Drejtësi
Kalo në kategori