LAJMI I FUNDIT:

Dy presidentët në Shtëpinë e Bardhë – Zelensky i dhuron Bidenit medaljen e një ushtari ukrainas

Dy presidentët në Shtëpinë e Bardhë – Zelensky i dhuron Bidenit medaljen e një ushtari ukrainas

Presidenti i Ukrainës, Volodymyr Zelensky dhe ai amerikan, Joe Biden, kanë folur para mediave, pas takimit të tyre në Shtëpinë e Bardhë në Washington.

Sipas mediave të huaja, përcjell Telegrafi, presidenti i SHBA-së, Joe Biden komentoi për 300 ditët e luftës së Rusisë në Ukrainë teksa foli me gazetarët të mërkurën së bashku me presidentin ukrainas Volodymyr Zelensky.

“… Është një nder të jem pranë jush kundër asaj që është një luftë brutale, e zhvilluar nga Putini”.

“Vështirë të besohet, në 300 ditë të kalohet përmes kësaj situate, dhe Putini ka kryer një sulm brutal mbi të drejtën e ukrainasve për të ekzistuar si komb dhe sulm ndaj popullit të pafajshëm ukrainas pa asnjë arsye tjetër veçse për t’i frikësuar”, shtoi Biden, duke vënë në dukje përshkallëzimin e sulmeve ruse në infrastrukturën energjetike dhe civile.

Putin “po përpiqet të përdorë dimrin si një armë”, ka thënë më tej Biden.

Ai siguroi se amerikanët, së bashku me aleatët evropianë, do të qëndrojnë pranë Ukrainës.

Në anën tjetër, Zelensky falënderoi presidentin Biden dhe Kongresin Amerikan për mbështetjen e tyre dhe shprehu mirënjohje edhe për popullin amerikan.

“Faleminderit shumë, zoti President. Natyrisht faleminderit mbështetjen dypartiake, faleminderit Kongresit dhe faleminderit nga njerëzit tanë të thjeshtë për njerëzit tuaj të zakonshëm, amerikanët. Unë e vlerësoj shumë”, citohet të ketë thënë ai, përcjell Telegrafi.

Ndërkohë siç raporton Sky News, Zelensky i ka dorëzuar Joe Biden një medalje ushtarake nga një ushtar ukrainas në Bakhmut.

Presidenti ukrainas tha se një kapiten me të cilin takoi dje në qytetin lindor i kërkoi atij t’ia kalonte medaljen e tij ushtarake Presidentit të SHBA duke e quajtur atë “trim”.

Kështu, Zelensky ia dorëzoi medaljen Presidentit amerikan i cili u përgjigj: “çfarë nderi i madh”.

Qyteti Bakhmut i kontrolluar nga ukrainas është përballur me bombardimet ruse prej muajsh. Sulmet në e kanë dëmtuar rëndë atë qytet. /Telegrafi/

Në trend Botë

Më shumë
Miliona njerëz mbetën pa energji elektrike në pak sekonda, këto janë tri teoritë që shkaktuan terrin në Ballkan

Miliona njerëz mbetën pa energji elektrike në pak sekonda, këto janë tri teoritë që shkaktuan terrin në Ballkan

Botë
Një mik që nuk e kishte parë prej 20 vitesh i hipi në taksi - miliona njerëz emocionoi skena nga Dallasi

Një mik që nuk e kishte parë prej 20 vitesh i hipi në taksi - miliona njerëz emocionoi skena nga Dallasi

Amerika
Këto do të jenë pesë

Këto do të jenë pesë "sfidat e menjëhershme" për shefin e ardhshëm të NATO-s, Mark Rutte

Botë
Dënohen me burg katër anëtarët e familjes më të pasur të Britanisë - abuzuan me shërbëtorët

Dënohen me burg katër anëtarët e familjes më të pasur të Britanisë - abuzuan me shërbëtorët

Evropa
Vetëm për vëmendje të rinjtë rrezikojnë jetën në Indi - shikoni trendin e fundit në shtetin e madh aziatik

Vetëm për vëmendje të rinjtë rrezikojnë jetën në Indi - shikoni trendin e fundit në shtetin e madh aziatik

Azia
Rritet numri i të vdekurve në Turqi - temperaturat e larta shkaktuan zjarre të shumta

Rritet numri i të vdekurve në Turqi - temperaturat e larta shkaktuan zjarre të shumta

Turqia
Kalo në kategori