Fituesit e Çmimi Nobel për Kimi janë Mungi G Bawendi, Louis E. Brus e Aleksei I. Ekimov

Fituesit e çmimit Nobel të këtij viti në Kimi janë Mungi G. Bawendi, Louis E. Bruce dhe Aleksei I. Ekimov.

Çmimi iu dha atyre për “zbulimin dhe sintezën e pikave kuantike”, transmeton Telegrafi.

Kjo u bë e ditur në Stokholm nga Akademia Mbretërore suedeze e Shkencave.

CNN raporton se tre shkencëtarët punuan në zbulimin e pikave kuantike, aplikimet e të cilave variojnë nga llambat LED dhe ekranet e televizorit deri te pajisjet që përdorin kirurgët për të hequr indet kancerogjene.

Reuters raportoi se emrat e laureatëve u publikuan gabimisht disa orë para shpalljes zyrtare, pasi gazeta suedeze Aftonbladet mori para kohe një email me emrat e fituesve.

Komiteti Nobel për Kimi, i cili e jep çmimin, deklaroi se gabimi u bë nga Akademia Mbretërore suedeze e Shkencave.

Që të tre shkencëtaret do të ndajnë çmimin prej 860 mijë euro. /Telegrafi/

BREAKING NEWS
The Royal Swedish Academy of Sciences has decided to award the 2023 #NobelPrize in Chemistry to Moungi G. Bawendi, Louis E. Brus and Alexei I. Ekimov “for the discovery and synthesis of quantum dots.” pic.twitter.com/qJCXc72Dj8

— The Nobel Prize (@NobelPrize) October 4, 2023