“Fit me Getten”, emisioni më i ri në RTV Dukagjini

Nga sot [1 qershor] në RTV Dukagjini ka filluar emisioni më i ri, “Fit me Getten”.

Kampionja e fitnesit Geta Beqa, thotë se për shkak të kërkesave të mëdha nga sportistët se si të ushqehen apo çfarë të ushtrojnë në këtë kohë pandemie ajo vjen me emisionin e saj në RTV Dukagjini.

Geta thotë se çdo ditë pune duke filluar nga ora 18:25 në RTV Dukagjini ajo do të vijë me emisionin e saj ku për herë të parë në gjuhën shqipe në formën më praktike do të zhvillohen ushtrime që të gjithë mund t’i ndjekin nga shtëpia.

“Janë ushtrime të koncentuara për të gjitha pjesët e trupit. Për 30 ditë unë në fokus kam vendosur ushtrimet e barkut”, tha ajo në emisionin “Reload” përcjell Telegrafi.

Konstruktorja e fitnesit fton të gjithë shikuesit që të provojnë ushtrimet pasi në fund do të shohin rezultatet.

“Programi rekomandohet si për femrat ashtu edhe për meshkujt, nënat të moshuarit por çdo ditë e ngapak sa mund ta përballojnë”.

“Fit me Getten” për të gjithë ata që nuk kanë mundësi ta ndjekin në orarin e rregullt do të vijë reprizë në RTV Dukagjini në ora 9:15./Telegrafi/