Firmino i përgjigjet zërave për largim nga Liverpooli dhe transferim te Juventusi

Roberto Firmino vazhdon të krijojë biseda për largim nga Liverpool, me gjigantët e Serie A, Juventus, që thuhet se janë të prirur për të blerë shërbimet e tij, por braziliani thotë se qëllimi i tij është “të qëndrojë” në Anfield.

Sulmuesi 30-vjeçar është në vitin e fundit të kontratës së tij me klubin e madh anglez dhe ka parë lojtarë si Darëin Nunez të transferohen për të mbushur përfundimisht këpucët e tij.

Asnjë zgjatje e kontratës së tij në Merseyside nuk është diskutuar, që do të thotë se ai mund të largohet si lojtar i lirë në verën e vitit 2023.

Lexo po ashtu Juventusi i vendosur të testojë vendosmërinë e Liverpoolit për Firminon

Por, Firmino këmbëngul se ai nuk po shtyn për një lëvizje dhe do të ishte i lumtur të kalonte sezonin e ri duke zgjatur lidhjen e tij me Reds.

“Unë e dua këtë ekip, këtë qytet dhe tifozët. Jam këtu. Unë dua të qëndroj sigurisht”, ka thënë Firmino për TNT Sports.

Lexo po ashtu Klopp flet për largimin e mundshëm të Firminos nga Liverpooli

Ndryshe, Firmino ka qenë në skuadrën e Liverpoolit që nga viti 2015, me 328 paraqitje gjatë shtatë viteve dhe ka shënuar 98 gola në emrin e tij.

Braziliani ka fituar titullin e Ligës Premier, Ligën e Kampionëve, Kupën FA, Carabao Cup dhe Kupën e Botës për Klube. /Telegrafi/