Filipçe në Tetovë: Do të ketë përmirësime në Shtëpinë e Shëndetit

Ministri i Shëndetësisë Venko Filipçe, sot ka vizituar Shtëpinë e Shëndetit në Tetovë ku edhe ka realizuar takime me udhëheqësin e këtij institucioni.

Siç njoftojnë nga Ministria e Shëndetësisë, Filipçe pas takimit ka thënë se modeli i partneritetit publiko-privat, do të jetë mënyra që të gjithë pacientët të kenë mundësi të marrin shërbime më të mira shëndetësore edhe në spitalet private, përcjell Telegrafi Maqedoni.

“Kemi edhe analizat tona në Ministri, Institutin për Shëndet Publik dhe Fondin për Sigurim Shëndetësor të cilat tregojnë se 30 për qind paguajnë vetëm në sektorin privat. Nëse mbetet kështu me kufi të qartë midis shëndetit privat dhe publik konsiderojmë se do të vijmë një një situatë më të keqe. Ideja jonë është që me vendosjen e partneriteteve publiko-private t’i hapim dyert e të gjitha institucioneve për të gjithë pacientët për çmime dhe kontribute të njëjta të cilat tani i paguajnë, e të mos munden të marrin shërbime përkatëse nga ekspertë të shquar në cilindo institucion në vend”, tha Filipçe i cili në Fakultetin e Shkencave Mjekësore pranë Universitetit në Tetovë, ligjëroi me rastin e Ditës Botërore të Shëndetësisë.

Ai përkujtoi se përballja me irracionalitetin me spitale të caktuara të cilat janë të zbrazura, pas zgjedhjeve do të tejkalohet me zhvillimin e ligjit përmes studimeve fizilibite rreth uljes së shpenzimeve.

Sipas tij, përmirësim do të ketë edhe në shërbimet për Ndihmë urgjente mjekësore me furnizimin e automjeteve të reja. Gjatë vitit, ai shtoi se është planifikuar edhe pajisja e Qendrës Diagnostiko-Urgjente në Spitalin Klinik të Tetovës./Telegrafi/