Filadelfia me orë policore për fëmijët dhe adoleshentët – të gjithëve nga 10 deri në 17-vjet u ndalohet dalja në rrugë pas orës 22:00

Për shkak të dhunës në rritje në rrugët e Filadelfias, SHBA, fëmijët dhe adoleshentët nga 16 deri 17-vjeç, nga e enjtja pra më 14 korrik do të jenë nën orën policore, kanë njoftuar autoritetet lokale.

Ata do të mund të jenë nëpër rrugë deri në ora 22:00, që është dy orë më shumë në krahasim me periudhën e njëjtë të vitit të kaluar, kur gjatë verës ishte vënë ora policore, transmeton Telegrafi.

Për fëmijët nga 14-15-vjeç kjo orë policore tashmë është në fuqi nga ora 22:00, derisa ata më të vegjël pra nga 13 vjet duhet të jenë në shtëpitë e tyre në 21:30. Kësaj ore policore i skadon afati në ora 6 të mëngjesit.

Ora e re policore me të cilën varion edhe moshat që i prek, është propozuar nga Kathryn Gillmore Richardson si përgjegjëse për rend dhe qetësi në këtë qytet.

E duket parë se është rritur dukshëm dhuna nëpër rrugë nga të rinjtë, ku si pasojë humbën jetën 22 prej tyre dhe 106 janë plagosur me armë zjarri, është propozuar ora policore.

“Po shohim të rinjtë tonë të përfshirë në incidente dhe veprime kriminale, vetëm se po dalin në orët e vona”, shtoi Gillmore Richardson.

Ora policore për të miturit nuk do të vlerë për ata që kanë arsye dhe që duhet patjetër të jenë në rrugë siç është shkuarja tek të afërmit e moshuar për të cilët kujdesen. /Telegrafi/