Fifi flet për injorimin që ia bënë organizatorët e koncerteve këtë verë: Unë prapë i kam xhan sepse në fund të fundit kam ngrënë bukë prej tyre

Këngëtarja e njohur shqiptare, Filloreta Raçi – Fifi, ka adresuar edhe një herë në publik çështjen e mos-ftesës së saj nga klubet e natës këtë verë, për të performuar në koncerte.

Në rubrikën “25 pyetje” të emisioni Prive, këngëtarja me origjinë nga Ferizaj është pyetur enkas për këtë rast.

Ajo dha si arsye të mundshme faktin që kjo verë ka qenë shumë pranë me periudhën kur ajo lindi dhe mbase organizatorët kanë menduar se ajo nuk është ende e aftë të performojë para publikut.

Lexo po ashtu "Ta mbajmë apo jo", Fifi zbulon se çfarë i tha Adisi kur mësoi për shtatzëninë

“Justifikoheshin me këtë fjalinë që me demek vetëm sapo linda unë dhe jam bërë nënë duke më thënë: ‘Ndoshta nuk je gati për të kënduar’. Gjithsesi në një postim që e ka bërë në Instagram nu ke kam bërë me kunja ose me ironi, thjeshtë e kam treguar një mendim timin se si jam ndjerë në ato momente”, tha këngëtarja e hitit “Zhurmë”.

Megjithatë, Fifi është një person pozitiv dhe optimist dhe ka theksuar se ajo di të ndjekë rrugën e saj të vetme dhe të punojë shumë fort për të arritur suksesin në muzikë, duke shtuar se i mirëpret sërish ftesa për koncerte dhe nuk ka vija të kuqe me klube të natës.

“Absolutisht jo, Fifi ka qenë një njeri super i hapur për punë…edhe qëndrimi im karshi klubeve do të jetë siç ka qenë gjithmonë. Unë i kam xhan prapë, sepse në fund të ditës kam ngrënë bukë prej tyre”, deklaroi këngëtarja.

Por pavarësisht se nuk ka qenë aktive me koncerte, Fifi nuk ka munguar në aspektin e prurjeve të reja muzikore. /Telegrafi/