LAJMI I FUNDIT:

Festivali ”MIK” në Korçë, për të promovuar kulturën dhe historinë e këtij qyteti

Festivali ”MIK” në Korçë, për të promovuar kulturën dhe historinë e këtij qyteti

Edicioni i parë i festivalit ndërkombëtar “MIK” starton nga qyteti i Korçës.

“MIK” lindi si ide e inkurajuar nga sopranoja Inva Mula. Festivali do sjellë 150 artistë e do të zgjasë pesë ditë, nga data 25 deri më 29 korrik, si një aktivitet për të promovuar kulturën dhe historinë e këtij qyteti.

Për sopranon shqiptare me famë ndërkombëtare edhe emri i festivalit që nis në edicionin e parë pas disa ditësh ka një domethënie. Sipas saj lidhet me miqtë e artit dhe muzikës.

Tefta Tashko Koço do të marrë vëmendjen më të madhe në këtë festival, si një nga figurat më të mëdha të këtij qyteti, që bëri revolucion duke sjellë në Korçë jetë artistike, atëherë kur mungonte ajo. /ATA/