Kompleksi metalurgjik “Ferronikeli” në Drenas, sipas një vendimi të mëhershëm të menaxhmentit, ka ndalur prodhimin për 90 ditë, kurse rreth 30 për qind e punëtorëve nuk punojnë ose punojnë vetëm kur kanë nevojë.
Ndërmarrja ka shpallur ndërprerje të planifikuar të prodhimit nga fillimi i këtij muaji për shkak të, siç kanë thënë përmes postës elektronike zyrtarë të kësaj kompanie, problemeve teknike dhe rënies së vazhdueshme të çmimit të nikelit në tregun e metaleve, çka thuhet se po shkakton humbje të konsiderueshme për kompaninë.
Kjo ndërmarrje, nga Agjencia Kosovare e Mirëbesimit, është privatizuar me metodën e ‘spin-off-it’ special, në fund të vitit 2005. Ndërmarrja është shitur për 30.5 milionë euro. Kurse zotimet e blerësit privat kanë qenë për 20 milionë euro investime për 3 vitet e para.
Lindita Daija, zëdhënëse në këtë kompani, ka thënë se “në fabrikë do të implementohet Plani i Mirëmbajtjes dhe Kujdesit (“CAMP”). CAMP do të përfshijë rinovimin e furrës rrotulluese dhe furrës elektrike në linjën 1, si dhe pajisjeve të tjera mirëmbajtëse.
“Procesi është i planifikuar të zgjasë përafërsisht 90 ditë. Menaxhmenti i NeëCo Ferronikelit beson se, pas përfundimit të suksesshëm të “CAMP”, prodhimi do të rifillojë atëherë kur nuk do të ketë probleme teknike të papritura dhe kur kushtet e tregut do të jenë të përshtatshme”, ka thënë Daija.
Situata në këtë kompani ka shqetësuar tej mase punëtorët.
Fehmi Nika, kryetar i Sindikatës se Punëtorëve ka thënë për Radion Evropa e Lirë se ndërmarrja numëron rreth 900 punëtorë, kurse edhe 250 të tjerë janë punëtorë të bizneseve private të kontraktuar nga ‘Ferronikeli’
Nika thotë se aktualisht pushojnë 30 për qind të punëtorëve, kurse pagesën e marrin në vlerën prej 70 për qind të pagës me ulje.
Siç thotë ai, për shkak të rënies së çmimit të nikelit në tregun ndërkombëtar, më herët ka pasur ulje të pagave në këtë kompleks. Para uljes, paga mesatare ka qenë 460 euro në muaj.
Prej menaxhmetit ka pasur premtime se nuk do të zvogëlohet asnjë vend i punës, por garanacione definitive nuk ka.
Rreziku është gjithmonë permanent. Tash për tash as 10 për qind e punëtorëve nuk vijnë në punë, por rrogat i marrin. Pasi punëtorët vijnë në punë, sipas nevojës që ka “Ferronikeli”.
Edhe Lindita Daija thotë se nuk është larguar asnjë punëtorë nga puna dhe nuk është paraparë një gjë e tillë gjatë kësaj periudhe. Menaxhmenti, thotë ajo, do të bëjë të pamundurën që t’i mbajë të gjithë punëtorët në punë.
Nga situata e krijuar në gjigantin e prodhimit të nikelit, kanë pësuar edhe kompanitë private dhe punëtorët e kontraktuar për punë në terren nga “Ferronikeli”. Një nga to është kompania “Dino Company” e cila ka pasur kontratë më të.
Pronari i kësaj kompanie Sabedin Salihu, për Radion Evropa e Lirë, ka treguar se është detyruar të largojë nga puna 120 punëtorë. Ai madje tregon se që nga muaji korrik i vitit të kaluar “Ferronikeli” nuk ka përfunduar obligimet financiare ndaj kësaj kompanie, e që arrijnë në vlera të mëdha financiare.
“Të gjithë punëtorët kanë mbetur në shtëpi. Sezoni fillon nga muaj mars deri në dhjetor. Por, puna nuk ka filluar dhe i kemi shkëputur kontratat, sepse nuk ka pune. Neve na është thënë për shkak të çmimit të lartë të energjisë elektrike”.
Borxhet që Ferronikeli ka ndaj kontraktorëve, nuk i bëjnë të ditur as zyrtarë të kompanisë, pasi sipas tyre, “çështjet financiare janë punë e brendshme e një biznesi”.
Ndryshe, për shkak se blerësi i ndërmarrjes se re Ferronikeli, kishte përmbushur dhe tejkaluar zotimet për investime dhe punësim, bordi i Agjencisë Kosovare të Privatizimit, në vitin 2009, kishte vendosur që këtë ndërmarrje ta lirojë nga monitorimi dhe raportimi i mëtutjeshëm për investime dhe punësim. /Rel/Telegrafi/
Promo
Reklamo këtuLufta Prigozhin - Putin
Më shumëNga Rubrika
Mësoni gjetjet për Kosovë nga Anketa Vjetore e 27-të Globale e CEO-ve nga PwC
Përfundon periudha transitore për dinarin, analistët nuk presin zhvillime pozitive nga takimi i javës së ardhshme
Regjistrimi i popullsisë, familja Jashari përfundon procesin nga stafi i ASK-së
Mësoni gjetjet për Kosovë nga Anketa Vjetore e 27-të Globale e CEO-ve nga PwC
Përfundon periudha transitore: Nga sot, euro valuta e vetme për transaksione në Kosovë
Për herë të parë në Kosovë vjen "Peja Outdoor Tourism Festival"
Ndrroje kerrin e vogël me Dacia Duster të ri për rrugë të gjata - Auto Mita
Telegrafi Jobs hap dyert për mundësi emocionuese për karrierë
Qytetarët reagojnë për shtrenjtimin e bukës deri në 60 centë, ja sa u rrit në dekadën e fundit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Pamjet tregojnë ‘Old Trafford’ drejt shkatërrimit – Ronaldo kishte të drejtë kur foli për kushtet e klubit
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Wayne Rooney zbulon skandalin e lojtarëve të Man United - nëse vërtetohet do ketë pasoja
Ish-ylli i Liverpoolit zbulon trajnerin e ardhshëm të Man United – thotë se ia tregoi një lojtar aktual i tyre
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron