Ferrari Purosangue sapo ka ‘mbushur’ dy vjet në treg, por sa ka pasur ndikim në shitjet dhe imazhin e markës?

Dy vjet më parë, në shtator të vitit 2022, Ferrari mahniti industrinë e automobilave me Purosangue të ri: prodhimi i parë me katër dyer i Maranellos.

Sigurisht, Ferrari nuk e quan Purosangue një SUV, por sigurisht që është një konkurrent i segmentit SUV/crossover, ku tashmë konkurrojnë markat e tjera luksoze.

Kur Purosangue u prezantua, shkaktoi mjaft bujë.

Por, çfarë lloj ndikimi ka pasur vetura në shitjet dhe imazhin e Ferrarit?

Lajmi i mirë është se Ferrari aktualisht shet më shumë automjete se kurrë më parë, përcjell Telegrafi.

Sipas rezultateve gjashtëmujore, marka shënoi një rekord të ri shitjesh në gjysmën e parë të këtij viti, me më shumë se 7,000 njësi të dërguara.

Në total, prodhuesi italian i automobilave dorëzoi 7,044 njësi, 1.2% më shumë nga janari në qershor të vitit 023.

Rritja është e jashtëzakonshme duke pasur parasysh çmimin e lartë të Ferrarit dhe tensionet e shumta gjeopolitike që prekin disa nga tregjet e saj.

Sipas të dhënave nga JATO Dynamics, e cila mbulon 52 tregje në mbarë botën, Purosangue ishte Ferrari i tretë më i shitur midis janarit dhe gushtit të vitit 2024.

Të dhënat, të cilat përjashtojnë tregjet kryesore si Lindja e Mesme, thonë se Ferrari shiti gati 1,500 njësi deri në gusht.

Purosangue tejkaloi Ferrari SF90, 812 dhe Portofino ndër të tjera.

Çmimi bazë i Purosangue është 423,686 dollarë, që është rreth 81,000 dollarë më shumë se një Ferrari 296 GTB dhe 176,000 dollarë më shumë se Ferrari Roma. /Telegrafi/