Fenomeni Ronaldo paralajmëron Barcelonën: Largimi i Messit nuk është zgjidhje, ai është pikë referimi e ekipit

Legjenda e Barcelonës, Ronaldo Nazario, ka paralajmëruar gjigantët katalunas të bëjnë gjithçka që është e mundur për ta mbajtur Lionel Messin në këtë klub këtë verë.

Messi është lidhur me një largim nga Camp Nou përpara sezonit 2020-21, mes raporteve në rritje, ai i tha menaxherit të ri Ronald Koeman se ai ka dyshime për të ardhmen e tij në Kataluni.

Sidoqoftë, ish-ylli brazilian, Ronaldo, beson se Barcelona do të ishte në një pjerrësi në rënie nëse Messi largohet në javët në vijim nga Camp Nou.

Lexo po ashtu Inter, Manchester City dhe PSG: Opsionet e Messit nëse ai largohet nga Barcelona

“Messi është pikë referimi për këtë ekip, dhe nëse unë do të isha Barcelona, ​​nuk do ta lija të largohej në asnjë rast”, ka thënë fillimisht Ronaldo në një intervistë për gazetën Marca.

“Ai ka qenë një lojtar i shkëlqyeshëm dhe ka një marrëdhënie shumë të fortë me klubin”.

“Situata është ekzagjeruar nga humbja e tyre në Ligën e Kampionëve. Sidoqoftë, Messi ka nevojë për ndihmën e shokëve të tij të skuadrës”.

“Barcelona duhet të provojë diçka të re sezonin tjetër. Por, largimi i lojtarit të tyre kryesor nuk është zgjidhja”, përfundoi braziliani i njohur si ‘Fenomeni’.

Lexo po ashtu Tifozët zgjedhin formacionin më të mirë të të gjitha kohërave në Ligën e Kampionëve

Barcelona mbeten e përkushtuar për të mbajtur Messin në klub, edhe pse ylli argjentinas hynë në 12 muajt e fundit të kontratës së tij dhe ende nuk ka asnjë marrëveshje për rinovim.

Koeman ka folur tashmë me 33-vjeçarin për ta informuar për planet e tij për sezonin e ardhshëm, me Messin në zemër të projektit. /Telegrafi/