Femrat më mirë flenë pranë qenit

Të njohur qëmoti si miqtë më të mirë të njeriut, qentë qysh moti janë bërë të njohur edhe si “partnerë” pranë të cilëve femrat flenë më mirë, gjë që është treguar me hulumtimin e Shoqatës Amerikane të Adhuruesve të Qenve

Në studim kanë marrë pjesë 962 femra, nga të cilat pothuajse 50 për qind kanë fjetur gjumë me së paku një qen në krevat, një e treta me macen, ndërkaq diç më shumë se gjysma me meshkuj, transmeton Telegrafi.

Është treguar që damat të cilat kanë fjetur me qen janë ndier më relaksuese dhe më të sigurta gjatë gjumit, andaj janë zgjuar më të pushuara, gjë që është shpjeguar që qentë janë të njohur si mbrojtës të cilët lehtë i paralajmërojnë mysafirët e padëshiruar.

Gjithashtu, ata zhvillojnë modele të shëndetshme të gjumit me pronarët e tyre, sepse 75 për qind natën e kalojnë duke fjetur gjumë dhe janë më pak aktivë nëpër errësirë.

Sipas hulumtimit tjetër të Asociacionit Amerikan të Veterinerëve, është konstatuar që edhe meshkujt edhe femrat më mirë flenë nëse qeni është në të njëjtën hapësirë me ta, por jo bash në krevat.

Këta shkencëtarë ua kanë mbushur mendjen personave me çrregullim të gjumit që të flenë në të njëjtën dhomë me qen gjatë pesë muajve, pas kësaj kohe cilësia e gjumit dukshëm u është përmirësuar. /Telegrafi/