​Fatura e energjisë elektrike rritet me mbi 40 për qind në Spanjë

Kostoja e faturës së energjisë elektrike në Spanjë është rritur me një mesatare prej 44 për qind në një vit, thotë Institutit Kombëtar të Statistikave (INE) duke iu referuar shtatorit 2021 në lidhje me të njëjtin muaj të vitit 2020.

Sipas INE-së, çmimi i energjisë elektrike është faktori i parë, i cili solli inflacionin në 4 për qind në shtator, një shifër që ishte tashmë ishte parashikuar në fund të muajit të kaluar e më pas kontribuoi edhe në rritjen e kostove të karburantit.

Të dhënat e reja mbërritën në Dhomën e Deputetëve, ku pritet një dekret i qeverisë i cili synon të kufizojë ndikimin e çmimeve të larta të energjisë për familjet dhe kompanitë.

Kosova, Shqipëria dhe Serbia janë tri vendet me çmimin më të ulët të energjisë elektrike për amvisëritë, thuhet në të dhënat e Zyrës Evropiane të Statistikave.

Lexo po ashtu Kosova me çmimin më të ulët të energjisë elektrike në Ballkan, Gjermania më e shtrenjta në BE

Sipas Eurostat, çmimi mesatar i një kilovati për orë (kWh) në vendet e Ballkanit Perëndimor është 0.0954 euro. Në Kosovë, një kilovat kushton 0.0608 euro, ndjekur nga Serbia me 0.0737 euro dhe Shqipëria me 0.0778 euro.

Në Bashkimin Evropian, Gjermania është vendi që ka çmimin më të lartë të lartë me 0.3006 euro për kilovat, pasuar nga Danimarka me 0.2819 euro dhe Belgjika me 0.2702 euro. Çmimi më i ulët i energjisë elektrike në kontinet është në Ukrainë me 0.0396 euro për kilovat.

Mesatarja e çmimit për një kilovat në vendet e BE-së është 0.2134 euro, kurse në vendet e Eurozonës është 0.2272 euro. /Telegrafi/