Fati largohet nga Barcelona, por jo nga La Liga – klubi i njohur shpreh interesim për të

Ansu Fati është i vendosur që t’i dëshmojë vlerat e tij tek Barcelona gjatë parasezonit, dhe deri më tani, ai ka bërë më shumë se kaq.

Trajneri i ri Hansi Flick besohet se ka mbetur i impresionuar nga angazhimi i sulmuesit spanjoll, karriera e të cilit ka stagnuar gjatë viteve të fundit.

Ky stagnim ka bërë që të raportohet se Barcelona do synojë ta heq qafe Fatin këtë verë. Në rast se vendosin ta bëjnë këtë, Sevilla është një prej klubeve që do tentojë të sigurojë shërbimet e tij.

Sipas SPORT, Sevilla pret që Fati të jetë në dispozicion në treg pas përfundimit të parasezonit me Barcelonën në Amerikë.

Në këtë pikë, ata do të synojnë që të nënshkruajnë me Fatin në formë huazimi për një sezon, por në rast se nuk plotësojnë kushtet financiare të Barcelonës, atëherë transferimi nuk do të realizohet.

Fati do të ishte një opsion nga banka për Barcelonën sezonin e ardhshëm, veçanërisht nëse transferohet Nico Williams.

Si do që të jetë, ai mund të luajë një rol shumë të rëndësishëm nëse rikuperon versionin e tij më të mirë të vetes nën urdhrat e Flick./Telegrafi/