Fansat kanë nisur të ndjejnë keqardhje për Shakiran pas këngës së re: Mjaft më, kjo po bëhet dëshpëruese

Ditë më parë, Shakira publikoi një duet me këngëtaren kolumbiane, Karol G dhe në tekstin e këngës ato iu referohen ish-partnerëve të tyre.

Edhe pse kënga ka kaluar mbi 70 milionë shikime në YouTube për një periudhë kaq të shkurtër, shumëkush e ka kritikuar këngëtaren për një tjetër dedikim ndaj Gerard Pique.

“Pse po më kërkon nëse e di që nuk i përsëris gabimet, thuaj femrës tënde të re që nuk konkurroj për meshkuj”, është pjesë e refrenit të kënduar nga Shakira dhe Karol G.

Lexo po ashtu Përmes këngës së re “TQG”, Shakira e pranon se është lënduar nga lidhja e Piques me Clara Chian

Duke gjykuar nga komentet, fansat e Shakiras janë lodhur nga kjo temë, madje disa prej tyre kanë filluar të ndiejnë keqardhje për të.

View this post on Instagram

A post shared by Shakira (@shakira)

Në vijim janë disa nga komentet:

Ka kaq shumë inat në ty. Keq. Ji e lumtur.

Kjo po bëhet dëshpëruese.

Mjaft më. Është koha për diçka origjinale, jo vetëm këngë si kjo.

Shakira nuk je e vetmja grua në botë që është tradhtuar. Është koha për të vazhduar tutje.

A ka fund kjo?

View this post on Instagram

A post shared by KAROL G (@karolg)

Në anën tjetër ka pasur edhe prej atyre që i kanë dalë në mbrojtje këngëtares 46 vjeçare.

Lexo po ashtu Gerard Pique dhe Clara Chia dëbohen nga një restorant në Barcelonë pasi thuhet se pronari ishte fans i Shakiras

Kujtojmë se pasi Shakira dhe Pique njoftuan zyrtarisht se nuk janë më bashkë, këngëtarja ka publikuar tri këngë që flasin për tradhtinë e spanjollit dhe prishjen e lidhjes së tyre 12-vjeçare. /Telegrafi/