Pranë varrezave të dëshmorëve në Rogovë të Hasit, tash e 23 vjet po derdhën shumë lot. Katër burra të familjes Morina u vranë më shumë se dy dekada më parë në këtë fshat. Në mëngjesin e hershëm të 29 janarit, paramilitarët serbë pasi e rrethuan fshatin, në shtëpinë e tyre, masakruan ata dhe me dhjetëra civilë tjerë shqiptarë. Familjarët kërkojnë drejtësi, ndërkaq thirrje u bëjnë institucioneve të vendit që të mos harrojnë gjakun dhe dhimbjen e familjarëve.
Babain e tij, Selmanin, më shumë e kujton nga ato çfarë i treguan familjarët. 25 vjeçari, Meriton Morina, rrëfen për masakrimin e babait të tij, i cili ishte në po këtë moshë që ai është tani. Për KosovaPress, ai thotë se e ka shumë të vështirë të rritet pa prind.
“Është shumë e vështirë me jetu pa prind. Me kalimin e viteve, dhimbja bëhet edhe më e madhe, nuk zvogëlohet asnjëherë… I kanë marrë prej oborrit në oborrin e fqinjit edhe i kanë vrarë e masakruar bashkë me ushtarët e Ushtrisë Çlirimtare të Kosovës, në kombin e kuq që veç dihet janë masakruar bashkë”, thotë ai.
Meritoni ka një thirrje edhe për institucionet, ku lutet që një ditë të vendoset drejtësi.
“Thirrja është që të punohet sa më shumë që të zbardhen krimet që me u dënu kryerësit. Edhe pse një drejtësi e vonuar nuk është kurrë drejtësi, por se paku të na lehtësojë dhimbjen”, shton Morina.
Përveç Selmanit, nënë Zarifes ia masakruan edhe dy djem të tjerë dhe bashkëshortin.
“Familja jem, baba e tre djem janë masakruar, janë dëmtuar, gjaku i tyre shumë i rënë ka qenë. Dhimbja e tyre shumë e madhe ka qenë. Sot e 23 vjet, qasi dhimbje është për neve, nuk na hiqet. Mos ta humbin këtë gjak, le ta qesin në selamet nëse duan të ecin përpara. Edhe burrat që kanë luftuar natë e ditë në shi e borë. E le të dinë që kanë lënë jetima e kemi rrit jetimë dhe kemi vuajtur deri sot. Qeveritarët mos të harrojnë kush ka dhënë dhimta të mëdha e kush u pre”, shprehet ajo.
Lule pranë varrit të babait të tij, vendosi edhe djali i dëshmorit, Zyber Shala. Petriti thotë se 23 vjet më parë kur u vra babai i tij, ai ishte jashtë vendit.
“Ne çdo herë vijmë për kujtime, këta janë dëshmorët që dhanë më të shtrenjtën, jetën. Unë nuk kam qenë këtu, kam qenë jashtë, shumë e kemi përjetuar keq”, tregon Shala.
Në mëngjesin e 29 janarit forcat kriminale serbe në Rogovë në shtëpitë e tyre masakrojnë: Rrustem Morinën me tre djemtë Selmanin, Nysretin dhe Mehmetin, pastaj Ibrahim Kryeziun, Adem, Rifat dhe Zyber Shalën. Në mesin e të masakruarve ka pasur edhe invalidë dhe 16 pjesëtarë të Ushtrisë Çlirimtare të Kosovës.
Promo
Reklamo këtuLufta Prigozhin - Putin
Më shumëZhduket një 28-vjeçare në Ferizaj, familja kërkon ndihmën e policisë dhe qytetarëve për gjetjen e saj
Ymeri: Mos pranimi i Kosovës në KiE është dështim i Qeverisë Kurti
Kurti publikon statistikat: Serbia po propagandon për dhunën ndaj serbëve në Kosovë
Iu bë atentat në Bruksel më 28 prill, ndërron jetë Agustin Kaza - dyshohet se u vra për gjakmarrje
DASH hedh poshtë pretendimet për Escobarin: Nuk është shkarkuar, do të emërohet në një pozitë tjetër sipas rrotacionit
Hoxha: Duke e bllokuar Kosovën në KiE, Gjermania dhe Franca anojnë kah Serbia qartazi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'