Familja Kardashian i kërkojnë gjykatës të hedhë poshtë pretendimet ‘absurde’ të Blac Chyna për shqetësim emocional dhe dëme ekonomike ndaj saj

Familja Kardashian-Jenner i ka kërkuar Gjykatës së Lartë të Los Angeles që të hedhë poshtë pretendimet e Blac Chyna për shqetësim ekonomik dhe emocional në padinë e saj kundër familjes së famshme.

Në dokumentet gjyqësore avokati i familjes, Michael G. Rhodes, argumentoi se Chyna nuk ka ofruar “asnjë provë dokumentare, analizë ekonomike ose dëshmi eksperti” për të mbështetur pretendimet e saj.

“Përpara se të fillonte gjyqi, këto pretendime ishin absurde”, tha Rhodes, e cila përfaqëson Kim Kardashian, Khloe Kardashian, Kylie Jenner dhe Kris Jenner në këtë çështje.

“Tani që paditësja ka dëshmuar në tërësi dhe nuk ka dëshmi apo prova shtesë për të ofruar mbi dëmet e saj, të pandehurit me respekt parashtrojnë se futja e një udhëzimi të tillë do të ishte një mjet juridik jashtëzakonisht i papërshtatshëm”, tha tutje avokatja.

Rhodes argumentoi gjithashtu se Chyna nuk ofroi llogari për të mbështetur kërkesën e saj për 109,635,021 dollarë dëme ekonomike dhe 36,000,000 dollarë në dëme të përgjithshme për shqetësimin emocional.

“Kërkesat e pambështetura dhe spekulative të zonjës White për dëmshpërblime nuk duhet të lejohen të shkojnë në juri”, thuhet në dokument, shkruan People.

Sipas dokumentit, Chyna pranoi në dëshminë e saj se ajo “e vlerësonte shumë” Kris për përpjekjet e saj për të transmetuar “Rob & Chyna” dhe për t’i siguruar asaj një vend për të jetuar.

Ajo gjithashtu pranoi se reputacioni i saj u dëmtua “më së shumti” nga ish i saj, Rob Kardashian, i cili nuk përmendet në pretendimet e saj për dëme ekonomike.

Chyna ka qenë në një betejë ligjore me Kardashians që nga viti 2017. Ajo paditi Robin dhe familjen e tij atë tetor, duke i akuzuar ata për dëmtim të markës së saj, si dhe për abuzim verbal dhe fizik ndaj saj.

Kjo padi erdhi pasi Rob zbuloi fotot nudo të Chynas në Instagram. Mes tërbimit të tij në mediat sociale, Rob akuzoi gjithashtu Chynan për abuzim me drogën, abuzimin me alkoolin dhe tradhtinë.

Chyna pretendoi këtë incident dhe ndikimin e familjes mbi E! se ndoshta rezultoi në anulimin e serialit të realitetit “Rob & Chyna”, pavarësisht raporteve për rinovimin e tij për një sezon të dytë. Për shkak të kësaj, ekipi i saj ligjor që atëherë ka argumentuar se Chyna ka të ngjarë të ketë humbur miliona dollarë të fituar nga paraqitjet në shfaqje dhe postimet në mediat sociale.

Chyna, nga ana tjetër, tha se ajo po padit familjen e famshme “për të mbrojtur të drejtat e saj ligjore dhe për të qenë shembull për fëmijët e saj”.

Gjatë javës së kaluar, disa nga anëtarët e familjes Kardashian-Jenner kanë dëshmuar kundër Chynas dhe veprimeve të saj të supozuara, duke përfshirë kërcënimet ndaj familjes dhe një grindje të dhunshme me Rob.

Së fundmi, në gjykatë të hënën (25 prill), Kylie pretendoi se ajo dhe ish-ish-i i saj Tyga u përpoqën të paralajmëronin Robin për lidhjen me Chynan përpara se ai të merrte seriozisht lidhjen me modelen.

Lexo po ashtu Kris Jenner thotë se Blac Chyna u përpoq ta vriste edhe Rob Kardashianin teksa ia ka vënë armën në kokë

“Isha pak e shqetësuar nga ajo që dëgjova nga Tyga, unë dhe Tyga shkuam te Rob dhe shprehëm shqetësimet tona. Ai u shpreh se do të vazhdonte lidhjen”, ka deklaruar Kylie.

Kylie shtoi se ajo nuk kishte hatërmbetje ndaj modeles derisa “ajo dëgjoi për sulmin ndaj vëllait saj” dhe se edhe pse e ndjente se ishte e rëndësishme të ndante shqetësimet e saj, ajo e kuptoi se “në fund të fundit, i takonte Robit të vendoste se çfarë ishte më e mira për veten e tij.

Kardashians dhe Jenners parashtruan më parë një ankesë duke kërkuar hedhjen poshtë të çështjes në fund të vitit 2017, por ai u refuzua nga gjykatat në 2018. /Telegrafi/