Facebook u jep përparësi lajmeve lokale në ‘News Feed’

Në një postim të ri, themeluesi i Facebook, Mark Zuckerberg, shkruan se kompania po bën një seri të përditësimeve për të treguar cilësi më të lartë dhe përmbajtje të besuar, duke përfshirë ekspozimin e përdoruesve në lajme lokale.

Një prej synimeve të Zuckerbergut për vitin 2018 është që të sigurohet se Facebook mbetet vërtetë në misionin e tij për të ndihmuar lidhjen e njerëzve dhe kjo lëvizje pasohet nga një seri postimesh në lidhje me rolin që luan Facebook në demokraci dhe angazhim qytetar.

“Studimet sugjerojnë se leximi i lajmit lokal lidhet drejtpërdrejt me angazhimin qytetar. Njerëzit të cilët e dinë se çfarë po ndodh rreth tyre, kanë më shumë gjasa të përfshihen duke ndihmuar të bëjnë ndryshime ” shkruan Zuckerberg, përcjell Telegrafi.

Ky lajm vjen mes ndryshimeve të fundit në ‘News Feed’ që kanë për qëllim t’u japin përparësi më shumë lajmeve ‘të besueshme, informative dhe lokale’ nga ‘burimet e besuara’.

Javën e kaluar, Facebook njoftoi se do të përdorë të dhëna nga sondazhet e përdoruesve rreth burimeve të lajmeve të besueshme që ata gjejnë për të informuar algoritmin e ‘News Feed’.

Kompania ka shtyrë më parë që të japë lajmeve lokale lajmeve më shumë burime, si qasje të lirë në mjetin e matjes sociale ‘Crowd Tangle’.

Një studim i ‘Parsely’, gjeti se Facebook me shumicë dominon mënyrën e jetesës dhe trafikun e lajmeve argëtuese, ndërsa Google kryesisht udhëheq me lajmet e biznesit, teknologjisë dhe sportit. /Telegrafi/