Dogana e Kosovës është vlerësuar si njëra prej Institucioneve më stabile dhe më të zhvilluara në Kosovë. Ky vlerësim është nxjerrë në raportin e Progresit për Kosovën. “Vlerësimi i Progresit për periudhën gusht 2015- qershor 2016”, i publikuar ditë më parë.
Në raport thuhet se Dogana e Kosovës i ka përmirësuar rezultatet e veta gjatë vitit të kaluar, ku të hyrat e mbledhura nga Dogana arrijnë në më shumë se 70% të të gjitha taksave dhe të hyrave të mbledhura.
“Në fund të vitit 2015 u shënua një rritje në të hyra prej 9.25 për qind, krahasuar me dhjetorin e vitit 2014. Mirëpo, targeti për të hyrat nga Dogana i caktuar nga Qeveria e Kosovës për vitin 2016 prej më shumë se një miliardë eurosh paraqet një sfidë për Doganën, duke pasur parasysh nënshkrimin e Marrëveshjes së Stabilizim-Asociimit (MSA), e cila ka hyrë në fuqi më 1 prill dhe e cila do të rezultojë me rënie në të hyra prej 2 për qind (përafërsisht 25 milionë euro). Megjithatë, të hyrat nga DK-ja për pesë muajt e parë të 2016 arrijnë në 20 për qind më shumë krahasuar me periudhën e njëjtë nga viti paraprak, thuhet në raportin e Progresit për Kosovën, shkruan Zëri.
Aty më tej thuhet se numri i shkeljeve të vërejtura nga Dogana për gjashtë muajt e parë të 2016 shënon një rritje prej 50 për qind krahasuar me vitin paraprak. “Për arritjen e këtyre rezultateve të dalluara në mbledhjen e të hyrave dhe të arriturave tjera të shkëlqyera, suksesi u takon reformave të reja, procedurave të përmirësuara dhe pajtueshmërisë së avancuar, bashkë me një numër të masave të rëndësishme anti-korrupsion të cilat janë implementuar rishtazi, thuhet më tej në raport.
Në raport thuhet se këto reforma përfshijnë edhe fillimin e punës së sistemit të ri dhe krejtësisht elektronik i cili promovon një lehtësim të shtuar komercial, duke e paraqitur Njësinë Qendrore të verifikimit për zhdoganimin e mallrave, reformimin e depove doganore, krijimin e ekipit mobil të përputhshmërisë dhe themelimin e Zyrës së Përbashkët Doganore për Transit në mes të Kosovës dhe Shqipërisë.
“Bashkë me progresin e arritur në kuptim të lehtësimit të tregtisë dhe raporteve doganë-biznes, këto paraqesin zhvillime të rëndësishme në procesin e zhvillimit të Doganës dhe po ashtu demonstrojnë për rritje të transparencës me komunitetin e biznesit dhe publikun në përgjithësi. Thirrjet publike në linjën e veçantë telefonike në këtë vit janë rritur për 53%. Veç kësaj, janë dhënë iniciativa për arritjen e një barazie më të madhe gjinore në administratën e Doganës. Me qëllim të luftimit të korrupsionit, Dogana ka iniciuar një numër të rasteve disiplinore gjatë këtij viti, të cilat kanë rezultuar me suspendimin e zyrtarëve doganorë disa prej tyre kanë qenë të përfshirë në raste penale, thuhet në raport.
Në fund të raportit thuhet se këto reforma pozitive dhe suksesi i përgjithshëm në mbledhjen e të hyrave demonstrojnë se Dogana është njëra prej Institucioneve më stabile dhe më të zhvilluara në Kosovë, me një legjislacion modern doganor dhe procedura të hartuara mirë, të cilat ofrojnë një shkallë të lartë të sigurisë, të mbështetura nga Sistemi i fuqishëm i Teknologjisë së Komunikimit. /Zëri/Telegrafi/
Lufta Prigozhin - Putin
Më shumëNga Rubrika
1 Maji, Kurti thërret për solidaritet dhe organizim sindikal
Dita e punëtorëve, Tahiri: Sot nuk ka vend për festë – Qeveria mund të festoj dështimet
UBT ndan çmimin më të lartë institucional për Rektorin e Trakya Üniversitesi, Prof. Dr. Erhan Tabakoğlu dhe bën hapjen e Teknoparkut Ndërkombëtar
N’BAU krejt i gjen me zbritje këtë javë!
Respekti dhe vlerësimi i punëtorëve refletojnë në suksesin e Emona Center
Fito udhëtim në çift me IP Petrol!
Relaksim në përjetësi, me “Holiday In 2” t’gjitha i ki
IPKO me pako ditore dhe javore 3G dhe 4G
Nafta, drejt rënies
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit