EULEX-i merr masa ndaj zyrtarit të tyre pasi parkoi veturën mbi pjesën e gjelbëruar

Misioni i Bashkimit Evropian për Sundim të Ligjit në Kosovë (EULEX) tashmë ka nisur një hetim të brendshëm në lidhje me rastin e raportuar për parkim të veturës gabimisht nga një zyrtarë i këtij misioni, e pas kësaj kanë marrë edhe veprime tjera.

Kështu kanë bërë të ditur përmes një përgjigje me shkrim  për Telegrafin nga ky mision.

“Misioni i Bashkimit Evropian për Sundim të Ligjit në Kosovë (EULEX) tashmë ka nisur një hetim të brendshëm, i cili do të përfundohet me kohë. Misioni po ashtu ka ndërmarrë masa të tjera, përfshirë në lidhje me përdorimin e veturave zyrtare nga zyrtarët e EULEX-it të cilët nuk janë në detyrë apo në thirrje”, thuhet në përgjigjen e EULEX-it për Telegrafin.

Lexo po ashtu Reagon EULEX-i, pasi zyrtari i tyre parkoi gabimisht: Do të marrim masa disiplinore

Ndryshe, parkimi i veturave në vende jo-adekuate haset shumë shpesh nëpër rrugët e Kosovës, ndërkaq të njëjtën gjë e ka bërë edhe një zyrtar i misionit të Bashkimi Evropian për Sundimin e Ligjit – EULEX.

Sipas pamjeve të publikuara nëpër rrjete sociale, shihet se zyrtari i EULEX-it ka parkuar veturën në një pjesë ku nuk është e dedikuar për parkim.

Lexo po ashtu “A e parkon kështu veturën në vendin tënd?” – Diskutimi mes qytetarit e zyrtarit të EULEX-it që parkoi veturën gabimisht

Në lidhje me raportimin, EULEX në Kosovë ka reaguar pas kritikave të shumta ndaj zyrtarit të tyre, i cili kishte parkuar veturën gabimisht në njërën nga rrugën e Prishtinës.

Pas lajmeve për diskutimin e këtij zyrtari me një qytetar në Kosovë, EULEX është zotuar se do të marrë masa disiplinore.

“Dënojmë me terma të ashpër sjelljen e pjesëtarit të stafit të EULEX-it që është parë duke parkuar gabimisht në Prishtinë. Ne garantojmë se do të marrim masat e duhura disiplinore. Falënderojmë qytetarin e Kosovës që e nxori në dritë këtë rast dhe për sjelljen e përgjegjshme”, thuhet në përgjigjen e EULEX-it, ndaj komenteve në Twitter. /Telegrafi/