Viktimat e Masakrës së Rrezallës të zhvarrosura nga varreza masive në Kizhevak, Serbi, do të riatdhesohen në Republikën e Kosovës më 30 Shtator 2021.

Kështu ka bërë të ditur Komisioni Qeveritar për Persona të Zhdukur.

“Komisioni Qeveritar i Republikës së Kosovës për Persona të Zhdukur, në koordinim me familjet, në vazhdimësi ka kërkuar që riatdhesimi i këtyre eshtrave të ndodhë sa më parë”, thuhet në njoftim.

U raportua se janë gjetur eshtrat e Ukshin Hotit në Serbi, reagon djali i tij Andini: Lajm i rrejshëm U raportua se janë gjetur eshtrat e Ukshin Hotit në Serbi, reagon djali i tij Andini: Lajm i rrejshëm

Tutje theksohet se bazuar në raportet e identifikimit, eshtrat e zhvarrosura në Kizhevak iu përkasin shtatë identifikimeve të reja të nga masakra e Rrezallës si dhe dy ribashkimeve me eshtrat e zhvarrosura vite më parë nga varreza masive në Rudnicë, të Rashkës, Serbi.

“Riatdhesimi i mbetjeve mortore të viktimave do të realizohet në bashkëpunim me përkrahjen e familjeve, Institutit të Mjekësisë Ligjore, Policisë së Kosovës – Sektorit për Krime Lufte , Ministrisë së Mbrojtjes dhe Komitetit Ndërkombëtar të Kryqit të Kuq”, njofton KQPZH./Telegrafi.