Edhe nëse nuk e keni parë serialin ose shakatë që bëhen me të në TikTok – ka shumë mundësi që me siguri keni dëgjuar për “Squid Game”.
Të gjithë kanë folur për serialin e ri të zhanrit thriller që është bërë një hit masiv që kur filloi në Netflix dy javë më parë, shkruan BBC.
Në fakt, seriali korean – i përqendruar në një lojë brutale të mbijetesës – është në rrugën e tij për të mposhtur seriale të famshme si “La Casa de papel” dhe për t’u bërë seriali më i shikuar në gjuhë të huaj i Netflix-it.
Ndërsa zhanri i serialit nuk është i ri, pamjet e tij mahnitëse, personazhet e lidhura dhe studimi shqetësues i natyrës njerëzore kanë ngacmuar audeincën e mbarë botës.
Në “Squid Game”, një grup prej 456 personash, në borxhe dhe të dëshpëruar, joshen në një lojë të etur për gjak mbijetese, ku ata kanë mundësinë të largohen me 45.6 miliardë win korean (39 milionë dollarë) nëse fitojnë një seri prej gjashtë lojërash.
Lojërat janë mjaft të thjeshta – ato janë lojëra të fëmijërisë me të cilat lojtarët u rritën duke luajtur. Dhe kjo përballje e habitshme e lojës së fëmijës së pafajshëm me vdekje të dhunshme ka bërë që shikuesit të joshen më shumë nga ky serial.
“Njerëzit tërhiqen nga ironia që të rriturit e pashpresë rrezikojnë jetën e tyre për të fituar një lojë për fëmijë”, tha regjisori i “Squid Game”, Hwang Dong-hyuk në një intervistë.
“Lojërat janë të thjeshta dhe të lehta, kështu që shikuesit mund t’i kushtojnë më shumë vëmendje secilit personazh sesa rregullave komplekse të lojës”, tha ai.
Ekziston edhe elementi i nostalgjisë. Për shembull, sfida e lojës Dalgona e paraqitur në episodin e tretë është ajo që shumica e koreanëve kujtojnë nga koha kur e luanin si fëmijë.
Në sfidë, lojtarët duhet të presin me kujdes një formë nga një fletë karamele e hollë letre me një gjilpërë. Nëse marrin një formë shumë të ndërlikuar dhe ëmbëlsirat plasin, atëherë ata humbasin.
Një fans korean shkroi në Twitter: “Squid Game më bën të dëshiroj të ha përsëri Dalgona [karamele]. Kanë kaluar 20 vjet … A janë akoma në shitje? Nuk mendoj se mund të gjej një të tillë”.
Ekspertët gjithashtu ia atribuojnë suksesin e serialit personazheve të saj, shumë prej të cilëve janë anëtarë të margjinalizuar të shoqërisë.
Megjithëse të gjithë ata janë të lidhur me probleme të mëdha parash, ata vijnë nga të gjitha sferat e jetës.
Drejtuesi, për shembull, është një njeri i papunë me një problem bixhozi, i cili përpiqet të fitojë respekt nga familja e tij. Përmes lojës, ai takohet me një të larguar nga Koreja e Veriut me një sfond tragjik dhe një punëtor pakistanez i cili keqtrajtohet nga punëdhënësit e tij.
Kim Pyeong-band, një profesor global i përmbajtjes kulturore në Universitetin Sangmyung, tha për BBC: “Njerëzit, veçanërisht brezi i ri, të cilët vuajnë rregullisht nga tjetërsimi dhe pakënaqësia në jetën reale, duket se simpatizojnë personazhet”.
Ashtu si fqinjët e saj të Azisë Lindore, natyra hiper-konkurruese e shoqërisë në Korenë e Jugut ka lënë shumë njerëz të zhgënjyer. Pavarësisht punës së palodhur, thjesht nuk është e mundur që të gjithë të kenë vende të larta universitare ose punë të mira.
Lojërat në shfaqje, sado vdekjeprurëse, paraqesin një botë alternative të supozuar të bazuar në lojën e ndershme.
Siç thotë një zyrtar i lojërave në serial: “Të gjithë pjesëmarrësit në lojë janë të barabartë. Ne po u japim njerëzve që kanë pësuar trajtim të pabarabartë dhe diskriminim në botën e jashtme shansin e fundit për të fituar një konkurs të drejtë”.
Mediat perëndimore kanë bërë krahasime midis “Squid Game” dhe “Parasite”, filmi korean fitues i çmimit “Oscar” në vitin 2019 që gjithashtu shikoi pabarazinë e pasurisë dhe padrejtësinë e shoqërisë.
Por në Azinë Lindore, shikuesit kanë vënë në dukje sesi shfaqja ka ngjashmëri me filmin japonez të vitit 2014, “As The Gods Will”. Filmi është përqendruar tek gjimnazistët, por ai ndjek një skenar të krahasueshëm, dhe disa madje e kanë akuzuar “Squid Game” për plagjiaturë.
Për shembull, “As The Gods Will” gjithashtu përmban lojën tradicionale të fëmijëve “Red Light, Green Light”. Në një nga skenat më të famshme nga “Squid Game”, një vajzë robot gjigante përdor sytë e saj lazer për të dalluar lojtarët që kanë humbur lojën. Ata pastaj vriten.
Sidoqoftë, regjisori i ka mohuar akuzat, duke thënë se nuk ka “asnjë lidhje” midis dy shfaqjeve dhe se paralelet janë tërhequr vetëm për shkak të zhanrit të shfaqjes”.
“Fillova të planifikoja [Squid Game] në vitin 2008 dhe fillova të shkruaj skenarin në vitin2009…ngjashmëritë që u theksuan janë thjesht rastësi dhe nuk ka kopjim nga asnjëra palë”, tha ai.
Në çdo rast, e gjithë zhurma përreth serialit së tij ka çuar në thirrje për një sezon të dytë. Por fansat mund të duhet të presin një kohë të gjatë për këtë.
“Unë nuk kam plane të zhvilluara mirë për ‘Squid Game 2′”, tha ai për Variety. “Është mjaft e lodhshme të mendosh për të”, shtoi regjisori. /Telegrafi/
Promo
Reklamo këtuLufta Prigozhin - Putin
Më shumëKlajdi përlotet nga pamjet e shtëpisë së tij të rinovuar nga “Fundjavë Ndryshe”
Jozi befason me përgjigjen kur pyetet për vendin më të çuditshëm ku ka kryer marrëdhënie
Në vitin 2014, ajo tronditi Evropën me fitoren në 'Eurovision', si duket sot Conchita Wurst?
“E kam takuar vetëm dy herë”, Livia flet me babain e saj pas 22 vjetësh gjatë spektaklit të BBVA
Klajdi Musabelliu eliminohet nga Big Brother VIP Albania
Historia tragjike e Loni Willison: Modelja që dikur ishte gruaja e një ylli të Hollywoodit dhe zbukuronte kopertinat e revistave, tani e pastrehë që mbledh kanaçe rrugëve
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Ekskluzivisht në Telegrafi Deals – Nike REAX nga 101€ në 79.95€!
Çfarë do të thotë DeepSeek AI për marrëdhëniet e SHBA me Kinën?
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Më të lexuarat
Publikohen pamjet: A po luante Real Madridi me më shumë se një kundërshtar ndaj Espanyolit?
Barcelona po e mbyll afatin kalimtar dimëror me një top transferim - Deco në negociata
Përplasje mes Morgan dhe Carlson për ndërhyrjen e NATO-s në Kosovë, reagon ambasadori Meidani: Historia s'do të rishkruhet!
Bëri ndërhyrje horror në Mbappen, lojtari i Espanyolit tregoi se çfarë i tha francezit
Jozi befason me përgjigjen kur pyetet për vendin më të çuditshëm ku ka kryer marrëdhënie
Perez del kundër një top transferimi, cilësohej si zëvendësuesi i Toni Kroos