Erik ten Hagut i ofrohet një mundësi fantastike për t’u rikthyer si trajner, katër muaj pasi u shkarkua nga Man United

Erik ten Hag thuhet se mund t’i ofrohet mundësia për t’u rikthyer në drejtimin e një ekipi vetëm katër muaj pas largimit të tij nga Manchester United.

Në tetor, United mori vendimin për t’i ndarë rrugët me trajnerin holandez pas një fillimi tjetër të mjerueshëm të sezonit.

Që atëherë, United ka punësuar Ruben Amorim, i cili ka pasur një fillim të vështirë të jetës në Old Trafford. Ndërkohë, Ten Hag ishte lidhur me ekipe si Ajax dhe Borussia Dortmund që kur u shkarkua nga Djajtë e Kuq.

Lexo po ashtu Tre lojtarët që mendohet që e "tradhtuan" Ten Hagun te Man United dhe i sollën shkarkimin

Tani, është pretenduar se një tjetër klub mund t’i ofrojë Ten Hag një punë. Siç raportohet nga The Sun, skuadra holandeze Feyenoord dëshiron Ten Hagun si shefin e tyre të ri pasi e shkarkoi Brian Priske të hënën.

Priske kishte për detyrë të ndiqte gjurmët e Arne Slot, i cili u largua nga Feyenoord për Liverpoolin në verë.

Megjithatë, mandati i trajnerit danez tashmë ka përfunduar pasi një rezultat i dobët i la ata 12 pikë prapa rivalëve Ajax në Eredivisie.

Përveç kësaj, është sugjeruar se asistenti i Ten Hag në United, Rene Hake, po konsiderohet gjithashtu si numër 2 te Feyenoord. /Telegrafi/