“Estetika me Krenarin” është kthyer tashmë në një prej dokumentarëve më të pëlqyer të momentit.
Pas transformimeve të shumta, episodi i gjashtë do të sjellë ndryshimin e ri – atë të Enisës nga Obiliqi.
Infermierja e QKMF-së në Obiliq, i është drejtuar dokumentarit estetik për të kthyer origjinalitetin e vetullave, pas një intervenimi të dështuar estetik.
Ass. Msc. Krenar Dobroshi mund të shihet në promon e dokumentarit duke treguar shkurtimisht proceset, përmes së cilave arrihet kthimi i pamjes së Enisës së dëshpëruar, në origjinalitet.
Pas trajtimit të suksesshëm në qendrën “Esthetica”, protagonistja është pritur ngrohtë nga kolegët e saj në njësinë e urgjencës në Obiliq, të cilët kishin përgatitur një tortë enkas për të festuar arritjen e saj.
“Estetika me Krenarin” mund ta ndiqni nesër (e diel) në RTV Dukagjini me fillim nga ora 15:00, mbështetur nga portali Telegrafi.com.
