Endrick plus para: Oferta e madhe e Real Madridit për transferimin e yllit kolumbian

Real Madridi mund të ketë një afat kalimtar veror të ngarkuar para vetes, pasi tashmë planet janë bërë për disa lëvizje të mëdha. 

Zyrtarët e klubit duan transferimin e dyshes Trent Alexander-Arnold dhe Alphonso Davies nga Liverpooli dhe Bayern Munich respektivisht, por duket se kanadezi në fund do qëndrojë në Gjermani. 

Gjigantit spanjoll mund t’i duhet një sulmues i ri në rast largimi të Vinicius Junior, pasi Kylian Mbappe natyrisht që do të pozicionohej në krahun e majtë të sulmit. 

Ata tashmë kanë në bankë brazilianin Endrick Felipe, por përkundër paraqitjes së tij fantastike në Copa Del Rey, Foot Mercato ka raportuar se atij mund t’i lejohet largimi në huazim. 

Arsyeja për këtë qëndrim është sepse Real Madridi ka shprehur interesim për sulmuesin e Aston Villas, Jhon Duran, sipas informacioneve nga i njëjti raport. 

21-vjeçari ka shënuar 12 gola këtë sezon, përkundër faktit se është përdorur si një lojtar nga banka nga trajneri Unai Emery. 

Lexo po ashtu Real Madridi rivalizon Barcelonën për transferimin e sensacionit spanjoll të Benficas

Duran, i cili gjithashtu është parë si një zëvendësues i mundshëm i Robert Lewandowskit tek Barcelona, ka qenë një emër i lakuar shumë gjatë muajve të fundit. 

Kjo pasi ekipe si Paris Saint-Germain, West Ham dhe Al-Nassr kanë shprehur interesim për të, por Aston Villa nuk e ka në plan që ta shesë atë për më pak se 80 ose 90 milionë euro./Telegrafi/