Shtresat e yndyrave në shporet mund të paraqesin ankth të vërtetë. Madje jo vetëm në shporet, por edhe në sipërfaqe të tjera në kuzhinë

Po ju paraqesim mënyrën e thjeshtë të eliminimit të yndyrave nga sipërfaqet e kuzhinës, posaçërisht ka efekt në shporet, transmeton Telegrafi.

Nevojiten:

▪ Disa pika alkool medicinal,
▪ Tuferët (apo sfera të pambukta),
▪ Brusha e vjetër e dhëmbëve.

Procedura:

Qitni alkool në pambuk, fërkojeni nëpër sipërfaqe të ndotura dhe prisni disa minuta. Pastaj njomeni brushën e dhëmbëve në alkool dhe gjithashtu fshini pjesët e ndotura.

Pas kësaj fshijeni sipërfaqen me leckë pambuku apo me sfungjer të thatë.

Reklama

Vërejtje:

Kushtoni kujdes që alkooli të mos dëmtojë sipërfaqen të cilën planifikoni ta pastroni.

Para pastrimit sigurohuni që në vendet më pak të dukshme a po lë gjurmë alkooli dhe a mund ta dëmtojë sipërfaqen (nuk do të duhej të përdorni alkool në sipërfaqe me shkëlqim të lartë apo në sipërfaqe me llak).

Reklama

Për arsye sigurie mos pastroni me alkool burimet e ngrohjes, posaçërisht shmangni pastrimin e kuzhinës nëse është e aktivizuar pllaka e gazit. /Telegrafi/