Kancelarja gjermane, Angela Merkel dhe presidenti francez Emanuel Macron kanë ftuar krerët e shteteve dhe qeverive të vendeve të Ballkanit Perëndimor në një samit në Berlin.
Në këtë samit, në të cilin marrin pjesë udhëheqës të shteteve si dhe të qeverive të këtyre vendeve pritet të dilet me një deklaratë të përbashkët, përkatësisht me konkluzione.
Shefja e diplomacisë evropiane, Federica Mogherini, do të jetë gjithashtu pjesë e samitit.
Telegrafi ka siguruar një draft-dokument të konkuzioneve të këtij takimi në të cilin bie në sy fakti se aty nuk përmenden dy tema të ndjeshme siç janë taksa ndaj produkteve serbe e vendosur nga Qeveria e Kosovës, si dhe tema tjetër, ajo rreth korrigjimit të kufijve.
Më poshtë ua sjellim draft-deklaratën e përbashkët, e cila mund të ndryshojë pas takimit, të cilin e ka siguruar Telegrafi dhe RTV Dukagjini:
Sot udhëheqësit e shteteve dhe të qeverive së Shqipërisë, Bosnjë dhe Hercegovinës, Kroacisë, Francës, Gjermanisë, Kosovës, Malit të Zi, Maqedonisë së Veriut, Serbisë dhe Sllovenisë, si dhe përfaqësuesja e lartë e Bashkimit Evropian për Politikë të Jashtme, Federica Mogherini janë mbledhur së bashku në Berlin.
Duke pasur parasysh të ardhmen e përbashkët evropiane të Ballkanit Perëndimor, ata përgëzuan marrëveshjen e suksesshme ndërmjet Greqisë dhe Maqedonisë së Veriut lidhur me emrin, si një shembull për zgjidhjen e konflikteve.
Ata kanë nënvizuar rëndësinë e marrëveshjes për normalizimin e plotë të marrëdhënieve ndërmjet Kosovës dhe Serbisë për stabilitet në rajon dhe për perspektivën evropiane të Serbisë dhe Kosovës.
Ata janë dakorduar që çdo marrëveshje duhet të jetë gjithëpërfshirëse, politikisht e qëndrueshme dhe të kontribuojë në stabilitetin rajonal.
Serbia dhe Kosova janë dakorduar që të shpejtojnë përpjekjet për të implementuar marrëveshjet ekzistuese dhe të riangazhohen konstruktivisht në dialog me ndërmjetësim të BE-së, me objektivin që të arrijnë një marrëveshje gjithëpërfshirëse dhe definitive.
Pjesëmarrësit kanë nënvizuar rëndësinë e procesit inkluziv dhe transparent të negociatave, i cili duhet shoqëruar me përpjekjet për ndërtimin e besimit.
Pjesëmarrësit janë pajtuar për të intensifikuar përpjekjet për të themeluar një zonë ekonomike rajonale.
Të gjithë pjesëmarrësit kanë rikonfirmuar angazhimin e tyre për të bashkëpunuar në strukturën e të ashtuquajturit Procesi i Berlinit. Lidhjet, ekonomia, tregtia e lirë, bashkëpunimi në çështje të sigurisë, shkëmbimet e të rinjve dhe të tjera çështje të tjera, janë shtylla të procesit. Ata kanë riafirmuar mbështetjen për Zyrën Rajonale të Bashkëpunimit të të Rinjve (RYCO). Ata mirëpresin samitin e ardhshëm në Poznan, Poloni.
Pjesëmarrësit janë pajtuar për të rritur bashkëpunimin për parandalimin e radikalizmit dhe luftimit të terrorizmit dhe trafikimit të paligjshëm të armëve të vogla dhe të lehta, si dhe migrimit ilegal.
Pjesëmarrësit kanë vënë theksin në përkushtimin e palëkundur për demokracinë, sundimin e ligjit dhe qeverisjes së mirë, luftimin kundër korrupsionit dhe krimit të organizuar si dhe fuqizimin e rolit të shoqërisë civile dhe mediave të pavarura.
Ata janë pajtuar se reformat e qëndrueshme janë çelës për perspektivën evropiane të rajonit dhe fuqizimin e aftësive të shoqërive kundër sfidave të kohës, si ato të brendshme, po ashtu edhe ato të jashtme.
Ata riafirmuan përkushtimin e tyre për stabilitet në rajon. /Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
A do t'i "shpëtojë" Albin Kurti Asociacionit të komunave me shumicë serbe, flasin analistët
Kurti: Anëtarësimi në KiE, hapi i parë drejt bashkimit me familjen evropiane
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Inspektorati i Prishtinës në aksion, shqipton gjoba e konfiskon targa
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre