‘Ekipi i ëndrrave’ të Johan Cruyff është i mbushur me legjenda të futbollit

Autobiografia e Johan Cruyff me titullin “My turn” paraqiti një pjesë të formacionit të ëndrrave të tij të të gjitha kohërave dhe është një pasqyrë tërheqëse për filozofinë e tij.

Legjenda e futbollit holandez do të kishte mbushur sot 73 vjet dhe ia vlen të kujtojmë mendjen shkëlqyese që ai kishte për futbollin.

Në këtë ditëlindje të tij, mediat kanë publikuar një formacion të ëndrrave të krijuar nga Cruyff, ku gjenden lojtarët që ai admiroi më shumë – përfshirë lojtarët që ai luajti me ta dhe disa që i menaxhoi.

As Lionel Messi apo Cristiano Ronaldo nuk paraqesin në ekip, por është e mbushur me sulmues legjendar si Garrincha, Alfredo Di Stefano dhe Diego Maradona.

Në mbrojtje, Cruyff zgjodhi lojtar si Carlos Alberto ashtu edhe Franz Beckenbauer – dy kapitenë fitues të Kupës së Botës.

Ai gjithashtu arriti të gjente një vend për lojtarin e tij, tani trajnerin Pep Guardiola, me të cilin bashkëpunoi dhe transferoi filozofinë dhe mësimet e tij të famshme.

Bosi i Manchester Cityt Guardiola ende citon holandezin Cruyff si një nga njerëzit me ndikimin e tij më të madh.

Në formacionin e legjendës holandez ka zënë vend edhe portieri legjendar Ley Yashin dhe Bobby Charlton dhe Ruud Krol.

Ndryshe, Cruyff vdiq për fat të keq në vitin 2016 pas një beteje me kancerin, por dashuria e tij për futbollin mbeti e gjallë deri në ditët e tij të fundit.

Formacioni i plotë: Lev Yashin, Carlos Alberto, Beckenbauer, Pep Guardiola, Ruud Krol, Alfredo di Stefano, Bobby Charlton, Garrincha, Maradona, Pele, Piet Keizer.

/Telegrafi/