Feronikeli

Klubi i futbollit Feronikeli është nga qyteti i Drenasit dhe është formuar në vitin e largët 1974.

  • Lajmet e Fundit
  • Ndeshjet
  • Lojtarët
  • Historia
  • Fansat

Skuadra nga Drenasi zakonisht ka bërë gara në ligën e parë të Kosovës, para se të futej në elitën e futbollit kosovar vite më parë, për të qenë një skuadër e respektuar dhe duke bërë revolucion në futbollin kosovar.

Feronikeli në vitin 2014 i shpëtoi rënies në një rang më të ulët nga barazhi, ndërsa në vitin 2015 arriti suksesin më të madh në histori të klubit.

fer

Pas një stinori të jashtëzakonshëm, Feronikeli arriti të shpallet kampione e Kosovës në futboll, edhe pse në asnjë moment nuk kishte luajtur ndeshjet si vendas në Drenas për shkak se stadiumi i tyre ishte duke u riparuar.

Përpos titullit të kampionit, Feronikeli ka arritur që për dy vite radhazi ta fitoi edhe Kupën e Kosovës, në stinorët 2013/14 dhe në atë 2014/15.

Titulli tjetër i fituar nga skuadra që përfaqëson qytetarët e Drenasit është edhe ai i Superkupës së Kosovës në vitin 2014/15, edhe pse ndeshja nuk u luajt fare, ky trofe i takoi Feronikelit pasi kishte fituar titullin dhe Kupën e Kosovës në të njëjtën kohë.

 

Stadiumi:

Feronikeli tani i zhvillon ndeshjet në stadiumin e qytetit në Drenas që quhet “Rexhep Rexhepi”, ku zakonisht është i mbushur nga tifozët.

 

Tifozët:

Tifozët e skuadrës kampione të Kosovës, Feronikelit njihen me emrin ‘Tigrat e Zi’, dhe janë të shumtë në numër në ndeshjet e ‘Niklit’.

tigrat e zi

Titujt:

Titulli i kampionit (1)

2014/15

Kupa e Kosovës (2)

2013/14, 2014/15

Superkupa e Kosovës (1)

2014/15