Në fshatin malor të Ferizajt, në Jezerc, prej 22 deri më 24 korrik, krijues nga të gjitha trevat shqiptare u bashkuan në edicionin e pestë të Kolonisë letrare “Muzat e Jezercit”, organizuar nga Klubi Letrar “De Rada” dhe mbështetur nga Ministria e Kulturës Rinisë dhe Sportit.
Ashtu si vitet e tjera, edhe kësaj radhe në kuadër të kolonisë u zhvilluan disa aktivitete si: prezantimi i botimeve të klubit “De Rada” gjatë periudhës 2020-2021, tryeza me temën Kritika letrare shqipe sot – ndikimi në krijimtarinë letrare, diskutime dhe debate rreth letërsisë, orë letrare etj.
Risi për këtë edicion ishte kursi i poezisë udhëhequr nga poeti i njohur Xhevdet Bajraj, ligjërues në Akademinë e Krijimtarisë Letrare në Meksico Siti. Edhe pse në fokus të këtij aktiviteti ishin krijuesit e rinj, kursi u ndoq me interesim nga të gjithë pjesëmarrësit. Në fjalën hyrëse, poeti Bajraj tha se: “Poezia, por edhe arti në përgjithësi ofron mundësinë e zgjimit shpirtëror te njeriu. Prandaj një artist është një luftëtar i dritës dhe me misionin e tij ndriçon qoftë individin, kombin apo tërë njerëzimin.” Më tutje Bajraj u përqendrua te teknikat e krijimit të poezisë, kontrolli i emocionit, figurat stilistike, imazhin poetik, rëndësinë e përzgjedhjes së fjalëve, origjinaliteti në krijimtari etj.
Kontribut të rëndësishëm në këtë aktivitet ofruan edhe pjesëmarrësit e tjerë si Halil Matoshi, Olimbi Velaj, Rozafa Shpuza, Agron Shala, Ahmet Selmani etj. Në diskutimin rreth kritikës letrare shqipe sot, u theksua mungesa e kritikës së mirëfilltë. Gjithashtu, u përmend fakti se shumica e shkrimeve kritike sot, jo vetëm që nuk shërbejnë si urë lidhëse mes librit dhe lexuesit, por të shpeshherë ato e thellojnë edhe më tepër distancën mes tyre.
Nga botimet e Klubit letrar “De Rada” u prezantuan dy antologji (Katërmbëdhjetë autorë, Ku janë ëndrrat – Hajro Ulqinaku), dy vëllime me poezi (Mos vdis nga errësira – Abdyl Hajredini dhe Eja në ëndërr – Drita Popaj) dy romane (Hija – Lorika Abazi dhe Grandpa’s carbine – Gazmend Bytyçi) dhe një përmbledhje me shkrime kritike (Kritika dhe ese – Zyrafete Shala).
Meqë Kolonia letrare “Muzat e Jezercit” i përmbylli pesë edicione të suksesshme të saj, së shpejti do të botohet edhe një përmbledhje me krijimet e autorëve pjesëmarrës në këtë aktivitet nga vitit 2017 deri më 2021.
Promo
Reklamo këtuLufta Prigozhin - Putin
Më shumëEsat Toptani, si pjesë e historisë së padeformuar: Nuk ishte tradhtar
Agjenti i dyfishtë i Luftës së Ftoftë: Si e mashtroi Tito, Perëndimin?
Dëshmia e fqinjit dhe varrmihësit të Musine Kokalarit: Nuk i kishte duart lidhur me tela me gjemba
Drama e panjohur e Koliqit, ku parashikohej rënia e komunizmit
LUM LUMI
BASHKËLUFTËTARËT
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Zana Spahiu dorëhiqet nga ushtruesja detyrës së drejtoreshës në RTK
Liverpooli po i transferon dy yjet e rivalit nga Liga Premier për 100 milionë euro
Ripërserit Daçiq: Është i pamundur ekstradimi i Radoiçiqit, Serbia nuk e njeh Kosovën
I kërkuar nga Real Madridi: Trent Alexander-Arnold ka vendosur për të ardhmen e tij
Trump: Nëse iranianët më vrasin, Amerika dua që ta zhduk Iranin
Kur do të kthehet trupi i Faton Hajrizit, flet Ivica Daçiq