LAJMI I FUNDIT:

Edhe zyrtarisht arrin Hyundai Casper

Edhe zyrtarisht arrin Hyundai Casper

Pasi prezantoi modelin Bayon SUV për tregun evropian në fillim të këtij viti, Hyundai ka përgatitur një SUV edhe më të vogël.

Në fund të fundit, kjo nuk ka qenë sekret për ca kohë, sepse fotografitë spiune muajt e fundit kanë konfirmuar se SUV më i vogël Hyundai është në përgatitje.

Disa media deklarojnë, siç raportohet nga Autoblog, se Hyundai e drejtoi këtë projekt nën kodin AX1, ndërsa emri i tij zyrtar do të jetë Hyundai Casper.

Dimensionet e para: Casper është 3595 mm i gjatë, 1595 mm i gjerë, 1575 mm i lartë dhe ka një bosht rrotash prej 2400 mm.

Gjithashtu u konfirmua se prodhimi i tij do të fillojë më 15 shtator, me njoftimin se 12,000 kopje do të prodhohen këtë vit dhe 70,000 vitin e ardhshëm.

Edhe pse tregu kryesor për këtë model do të jetë Azia, është e mundur që të shitet edhe në tregje të tjera, dhe ndoshta edhe në Amerikën e Jugut. Me shumë mundësi nuk do ta shohim në Evropë, megjithëse një model i tillë do të ishte një alternativë interesante për Ignis të Suzuki.

Në çdo rast, Casper përdor platformën K1 për automjete më të vogla, dhe diapazoni i motorit do të përfshijë 1.0 MPI benzinë me 76HP dhe 1.0 T-GDI me 100HP. /Telegrafi/