Edhe pse pa këmbë, babai i katër fëmijëve mban mbi supe thasë të rëndë që të fitojë kafshatën e gojës për fëmijët e vet (Foto)

Të gjithë e dimë se prindërit janë të gatshëm të lëvizin qiellin dhe tokën, vetëm dhe vetëm që të sigurohen se fëmijëve të tyre nuk u mungon asgjë – ushqimi, kulmi mbi kokë dhe edukimi adekuat.

Shumë prindër sakrifikojnë kohën e tyre, paratë dhe vendin e mirë të punës, në mënyrë që fëmijët e tyre të kenë një jetë të lumtur, transmeton Telegrafi.

Një gjë është e sigurt se të gjithë prindërit si ata të pasur ashtu edhe ata të varfër, punojnë natë e ditë që fëmijët e tyre të kenë çfarë që hanë.

Shembulli më i mirë i një prindi të përkushtuar ndaj familjes, është ai i një babai të katër fëmijëve nga Filipinet.

Në faqen Music for Jesus në Facebook, ky baba i përkushtuar është shfaqur në disa foto, ku shihet se si bën punë të rënda fizike vetëm dhe vetëm që t’ua sigurojë kafshatën e gojës fëmijëve të vet.

Ai për asnjë moment nuk ankohet për punët e rënda fizike derisa arrin të fiton bukën e gojës, edhe pse nuk i ka të dy këmbët.

Ky shembull ka përlotur botën, pasi ky burrë është çdo ditë i gatshëm të bartë mbi supet e tij thasë të rëndë, edhe pse i duhet të përdorë patericat për t’u mbështetur në to. Ky është vërtetë një imazh i atësisë së vërtetë, i cili nuk heziton të kryej çfarëdo pune që të mbajë familjen e tij.

Fatkeqësisht, emri dhe vendi ku ky prind i kryen çdo ditë punët e rënda nuk janë bërë të ditura në postimin e këtij lajmi në Facebook.

Ajo çfarë duhet theksuar është, se një gjë është e sigurt se të qenit prind nuk është një punë e lehtë. /Telegrafi/