LAJMI I FUNDIT:

Edhe pse është shtrenjtuar rryma, Kovaçevski i LSDM-së thotë se faturat e rrymës janë më të lira në krahasim me vitin 2017

Edhe pse është shtrenjtuar rryma, Kovaçevski i LSDM-së thotë se faturat e rrymës janë më të lira në krahasim me vitin 2017

Drejtori i deritashëm i ESM-së, me shembull konkret, theksoi se tani, për dallim nga qeverisja e OBRM-PDUKM-së, paguajnë fatura më të lira për rrymë elektrike për shkak të kthimit të tarifës së lirë.

“Çmimi i energjisë elektrike nuk formohet para ose pas zgjedhjeve, kjo është gënjeshtër e OBRM-PDUKM-së. Çmimin e rrymës e formon Komisioni Rregullator për Energjetikë”, Vasko Kovaçevski, drejtor i deritashëm i ESM dhe anëtar i Komisionit për Energjetikë në LSDM, njofton Telegrafi Maqedoni.

Sipas tij, me kthimin e tarifës së lirë, edhe pse është shtrenjtuar rryma elektrike, qytetarët e Maqedonisë së Veriut paguajnë fatura më të lira në krahasim me vitin 2017 kur OBRM-PDUKM ishte në pushtet.

“Nëse mesatarisht amvisëritë kanë shpenzuar 250 kilovat, në vitin 2006, ka pasur faturë prej 822 denarë. Në vitin 2017, kur OBRM-PDUKM ikën nga Qeveria, nuk ka tarifë të lirë dhe çmimi mesatar për 250 kilovatë është 1.634, që është thuajse dyfish më shumë. Me LSDM-në në Qeveri dhe realizimin e premtimit tonë për kthimin e tarifës së lirë, për amvisëritë që shpenzojnë 250 kilovat, për shembull 150 në tarifë të shtrenjtë dhe 100 në të lirën, çmimi i ri i rrymës elektrike është 1.309 denarë, përkatësisht 326 denarë më lirë”, tha Kovaçevski.

Me çmimin e ri të energjisë elektrike, e njëjta familje, sipas Kovaçevskit, do të paguajë 97 denarë më shumë dhe për 250 kilovat do të jetë 1.406 denarë, përkatësisht do të ketë kursim për dallim nga koha e OBRM-PDUKM-së.

Ndryshe, tashmë në Tetovë, Gostivar dhe disa qytete tjera protestohet për të gjashtën herë radhazi kundër shtrenjtimit të rrymës elektike. Edhe OBRM-PDUKM javën e kaluar protestoi kundër rritjes së çmimit të rrymës elektrike./Telegrafi/

Në trend Lajme

Më shumë
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Një derë e re për drejtësi: Si do të mund t'i drejtohen kosovarët Gjykatës së Strasburgut?

Një derë e re për drejtësi: Si do të mund t'i drejtohen kosovarët Gjykatës së Strasburgut?

Drejtësi
Gjendet në një humnerë personi i raportuar si i zhdukur në Prevallë

Gjendet në një humnerë personi i raportuar si i zhdukur në Prevallë

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Juristat e UP-së të tretët në botë në garën ndërkombëtare për drejtësi

Juristat e UP-së të tretët në botë në garën ndërkombëtare për drejtësi

Arsim
Kalo në kategori