E tallnin për ngjyrën e errët të lëkurës, tani është modele shumë e kërkuar (Foto)

Khoudia Diop nga Senegali, ka pasur fëmijëri të vështirë sepse të gjithë e tallnin, sepse kishte ngjyrë shumë të errët të lëkurës.

Mirëpo, me kalimin e kohës ajo është mësuar ta dojë vetën dhe të pajtohej me nuancën që e mbulon trupin e saj, transmeton Telegrafi.

Meqenëse kishte linja të përkryera dhe fytyrë shumë të bukur, ngjyra e lëkurës as që u ra në sy zyrtarëve të shumë agjencive të modës, duke e angazhuar në shumë aktivitete.

Madje, ky element e ka bërë edhe më të kërkuar në industrinë e modës, sepse dallon nga të tjerat dhe veshjet bien në sy edhe më shumë.

“Secili individ është unik, as që duhet të provoni të jeni si dikush tjetër sepse nuk mundeni”, është motoja e Diop.

Për shkak të dukjes, jo rastësisht llogaria e saj në Instagram i ka mbi 250 mijë ndjekës. /Telegrafi/