Një nënë në Kinë po akuzohet për keqtrajtim të fëmijës, pasi është filmuar duke shqelmuar vajzën e saj trevjeçare, vetëm pse nuk diti të pozoj për një fotosesion.

Besohet se e ëma nuk ishte e kënaqur me “performancën” e bijës për një reklamë, dhe nga nervoza e shqelmoi në mes të rrugës, transmeton Telegrafi.

Videoja 10 sekondëshe shfaq vajzën e vogël që sulmohet brutalisht nga e ëma. Megjithatë pas publikimit të videos, prindërit janë munduar të arsyetohen duke kërkuar publikisht falje për veprimin.

Videoja që ka shokuar opinionin është filmuar të hënën në qytetin kinez Hangzhou, ku vajza e njohur si Niu Niu po tentonte të merrte poza.

E mediat lokale raportojnë se Niu Niu kishte punuar për një agjencion të modës për më shumë se gjashtë muaj, duke reklamuar kështu gardërobë për fëmijë. /Telegrafi/